Bigg Boss Sudeepa: తల్లికావాలనేది పెళ్లయిన ప్రతి అమ్మాయి కల. అయితే, ప్రస్తుత లైఫ్‌ స్టైల్, ఇతర సమస్యలు మహిళల్లో సంతానలేమికి దారి తీస్తున్నాయి. ఈ కారణంగానే చాలామంది పెళ్లైన అమ్మాయిలు పిల్లల కోసం కృత్రిమ గర్భధారణ పద్దతులను ఆశ్రయిస్తున్నారు. గుళ్లు, గోపురాల చుట్టూ తిరుగుతున్నారు. అలా 12 ఏళ్ల క్రితం పెళ్లిపీటలెక్కి పిల్లల కోసం ఎదురు చూస్తోన్న ఓ టాలీవుడ్ ప్రముఖ నటి ఇప్పుడు గర్భం దాల్చింది. దీంతో ఆ ముద్దుగుమ్మ ఆనందానికి అవధుల్లేవు. ఎప్పుడెప్పుడు బిడ్డను చేతుల్లోకి తీసుకుందామా? అంటూ వేయి కళ్లతో ఎదురుచూస్తోంది. ఇంతకీ ఆ అందాల తార ఎవరనుకుంటున్నారా? విక్టరీ వెంకటేష్ నటించిన ‘నువ్వు నాకు నచ్చావ్‌’ సినిమాలో పింకీ అలియాస్ సుదీప గుర్తుందిగా.. ఇప్పుడామె తల్లి కానుంది. ఈ శుభవార్తను ఆమె సోషల్ మీడియా ద్వారా పంచుకుంది. అంతేకాకుండా, ఆమె తన భర్త శ్రీరంగనాథ్‌తో కలిసి మెటర్నటీ షూట్‌ చేయించుకుంది. ఇందుకు సంబంధించిన ఆ ఫొటోలను సోషల్ మీడియాలో పంచుకుంది. ‘ నమ్మకం మమ్మల్ని ముందుకు నడిపించింది.. ప్రేమ మమ్మల్ని బలంగా ఉంచింది. ఇప్పుడు మా ఫ్యామిలీ మరింత పెద్దదవుతోంది’ అని తన ఆనందానికి అక్షర రూపమిచ్చింది సుదీప.
Read Also: Bigg Boss Voting: బిగ్ బాస్ ఓటింగ్ లో లెక్కలు తారుమారు.. లీస్ట్ ప్లేస్ లో టాప్ కంటెస్టెంట్
పింకీకి శుభాకాంక్షలు తెలుపుతున్న నెటిజన్లు
పింకీ అలియాస్ సుదీప్ షేర్ చేసిన ఫొటోలు ప్రస్తుతం వైరల్ గా మారాయి. వీటిని చూసిన పలువురు సినీ ప్రముఖులు, అభిమానులు, నెటిజన్లు నటికి అభినందనలు, శుభాకాంక్షలు తెలుపుతున్నారు. కాగా సుదీపకు పెళ్లయి దాదాపు 12 ఏళ్లవుతోంది. 2015లో మొదటి సారి గర్భం దాల్చింది. అయితే అదే సమయంలో ఆమెకు థైరాయిడ్ సమస్య ఉండడంతో బిడ్డను కోల్పోయింది. ఈ విషయాన్ని ఆమెనే స్వయంగా బిగ్బాస్ హౌస్‌లో వెల్లడించింది. 1994లో రవిరాజా పిన్నెశెట్టి దర్శకత్వంలో తెరకెక్కిన ధర్మరాజు ఎం.ఏ సినిమాతో ఇండస్ట్రీలోకి అడుగుపెట్టింది పింకీ. ఆ తర్వాత మా అన్నయ్య, అల్లుడుగారు, బొమ్మరిల్లు, స్టాలిన్, బిందాస్, మిస్టర్ పర్‌ఫెక్ట్ తదితర సూపర్ హిట్ సినిమాల్లో నటించింది. అలాగే బిగ్బాస్ తెలుగు ఆరో సీజన్‌లోనూ పార్టిసిపేట్ చేసింది. ఆరోవారంలో హౌస్ నుంచి ఎలిమినేట్‌ అయింది. అయితే ఆ తర్వాత మళ్లీ స్క్రీన్‌పై కనిపించలేదు. అయితే సోషల్ మీడియాలో మాత్రం ఫుల్ యాక్టివ్ గా ఉంటోంది. ఇప్పుడు ప్రెగ్నెన్సీ విషయం షేర్ చేయడంతో ఆమె ఫ్యాన్స్ ఫుల్ ఖుషీ అవుతున్నారు.
Read Also: Bigg Boss: నిలిచిపోయిన బిగ్ బాస్ షో.. బయటకు వచ్చేసిన కంటెస్టంట్లు
