Bigg Boss Updates: బిగ్‌బాస్ సీజన్ 9 లేటెస్ట్ ఎపిసోడ్ లో వైల్డ్ కార్డ్ ఎంట్రీ రంగం సిద్ధమైంది. కాగా.. అప్పటికే నలుగురిని వైల్డ్ కార్డు ఎంట్రీ కోసం తీసుకొచ్చారు. వారందరూ హౌస్ మేట్స్ ని ఓటు అప్పీల్ చేశారు. కాసేపటికి బిగ్‌బాస్ ఓటింగ్ ఏర్పాటు చేశాడు. ఓటు వేయాల్సిన సమయం వచ్చింది.. ఇద్దరు వ్యక్తుల ముఖాలపై టిక్ పెట్టి బ్యాలెట్ బాక్స్‌లో వేయండి.. మీరు ఎవరికి ఓటు వేశారో చెప్పకూడదు.. అంటూ బిగ్‌బాస్ కండీషన్ పెట్టాడు. ఆ తర్వాత అందరికీ దిమ్మతిరిగే షాకిచ్చాడు. ఓటు ద్వారా మీ అభిప్రాయన్ని మీరు చెప్పారు. ఇప్పుడు నా రిజల్ట్ మీరు చూడండి అంటూ డోర్స్ ఓపెన్ చేశాడు. దివ్య నికితా ఎంట్రీ ఇచ్చింది. ఇది చూసి అందరూ అవాక్కయ్యారు. చదరంగంలో మీ పావులు మీరు కదిపారు.. దివ్యకి అందరికంటే తక్కువ ఓట్స్ వేసి నా ఇంట్లోకి రాకుండా చేయాలనుకున్నారు.. కానీ ఇది చదరంగం కాదు రణరంగం.. ఇది మీ కోసం నేను వేసిన చక్రవ్యూహం.. దివ్య నా ఇంట్లోకి అడుగుపెట్టిన కొత్త ఇంటి సభ్యులు.. ఇప్పటినుంచి దివ్య టెనెంట్స్‌లో ఒకరిగా ఉంటారు.. మీరందరూ ఇప్పటి నుంచి వేసే ఎత్తులేంటో తెలుసుకోవడానికి ఆసక్తిగా ఎదురుచూస్తూ ఉంటాను .. అంటూ బిగ్‌బాస్ అన్నాడు. తక్కువ ఓట్స్ వేశారా అందరికంటే. అని దివ్య అడిగితే కావాలనే మీరు రావాలని.. అలా చేశాం అంటూ ఇమ్మూ కామెడీ చేశాడు.
ట్రయాంగిల్ లవ్ ట్రాక్ అంటూ దివ్య
ఇక హలో గైస్ ఎలా నడుస్తుంది.. అంటూ కామనర్లని దివ్య పలకరించింది. నువ్వు చెప్పాలి ఎలా నడుస్తుందో.. అంటూ వాళ్లు అన్నారు. ఇక దివ్యని కూర్చోబెట్టి హౌస్‌మేట్స్ కొంతమంది ముచ్చట్లు పెట్టారు. ఎపిసోడ్స్ అన్నీ ఫాలో అయ్యారా.. అని ఇమ్మూ అడిగాడు. కొన్ని రోజులు 24/7 చూశాను.. ఎపిసోడ్స్ అయితే అన్నీ చూసి వచ్చాను.. అని దివ్య చెప్పింది. ఇక్కడున్న లవ్ బర్డ్స్ ఎవరో చెప్పండి అయితే మీరు చూసినదాన్ని బట్టి.. అని ఇమ్మూ అన్నాడు. ఇప్పుడు ఒకటి ట్రయాంగిల్‌లా అనిపిస్తుంది కానీ ఆల్‌మోస్ట్ స్క్వేర్ అవుతుందేమో అనిపిస్తుంది.. అంటూ దివ్య చెప్పింది. ఏం ట్రయాంగిల్.. అంటూ ప్రియ తెల్లమొహం వేసింది. ముగ్గురు మధ్యలో.. అని దివ్య చెప్తే ఎవరి మధ్యలో అంటూ మళ్లీ బ్లాంక్ ఫేస్ పెట్టింది. దీంతో ఇద్దరు బాయ్స్ ఒక అమ్మాయి.. అంటూ దివ్య హింట్ ఇచ్చింది. అరెయ్ ఈజీ మనకే తెలుసు కదా ఇద్దరు బాయ్స్ కళ్యాణ్, పవన్.. మధ్యలో రీతూ.. అంటూ శ్రీజ చెప్పింది. ఇది వినగానే కళ్యాణ్ ఏయ్ ఫస్ట్ అసలు అమ్మాయిలానే ట్రీట్ చేయను దాన్ని.. అంటూ రీతూ గురించి అన్నాడు.
రీతూతో వెళ్లి చెప్పిన ప్రియ
ఇక ఈ విషయం వినగానే కళ్యాణ్‌ని తీసుకొని ఆత్రంగా రీతూ దగ్గరికెళ్లింది ప్రియ. నీకు మైండ్ బ్లాక్ అయి షేక్ అయ్యే విషయం ఒకటి చెప్పనా.. ట్రయాంగిల్ వెళ్తుందంట బయట.. అంటూ ప్రియ చెప్పింది. ట్రయాంగిల్ ఎవరితో అని రీతూ అడిగితే మధ్యమధ్యలో స్క్వేర్ అవుతుందంట.. అంటూ ప్రియ చెప్పింది. ఎవరితో.. అని మళ్లీ అడిగితే ఎవరు ఎవరితోనో కూడా తెలీడం లేదట.. అంటూ ప్రియ మాట్లాడింది. ఇక సంజనతో మాట్లాడుతూ దివ్య ఇంట్రెస్టింగ్ విషయం చెప్పింది. ఒక వ్యూయర్‌గా సంజనగారు ఇది చేస్తారు అది చేస్తారు అనిపించొచ్చు కానీ ఇక్కడికొచ్చాక మీరు చేసే దొంగతనాలు చూసి చిరాకుపడొచ్చు.. అంటూ దివ్య అంది. అవునా రేపటి నుంచి చూస్తావు కదా టెనెంట్స్‌లో ఉంటావ్ కదా.. అంటూ ప్రియ అంది. అదే నేను మెయిన్‌గా అనుకుంటున్నాను ఈవిడతో వచ్చే ప్రాబ్లమ్ అని దివ్య చెప్పింది. తనకి నాతో ప్రాబ్లమ్ ఏంటంటే నేనే ప్రాబ్లమ్.. అంటూ సంజన డైలాగ్ కొట్టింది.
సంజన ఇదేం వెల్కమ్ తల్లి
ఇక హౌస్‌లో గజదొంగగా అన్నీ కొట్టేస్తున్న సంజన.. మరో ప్లాన్ వేసింది. ఇమ్మానుయేల్, ప్రియ ఇద్దరినీ పక్కకి పిలిచి వెల్కమ్ చేయాలి కొత్త అమ్మాయిని.. ఇప్పుడు తను మొత్తం మేకప్ కిట్ తన బెడ్ దగ్గర ఉన్న సరుగులో పెట్టింది.. అది కొట్టేయాలి.. ఉదయానికి ఒక్కటి కూడా ఉండకూడదు.. సార్ వస్తారు కదా అప్పటివరకూ అవి ఉండకూడదు.. అంటూ సంజన చెప్పింది. ఇది వినగానే ఇమ్మూ, ప్రియ కాస్త టెన్షన్ పడ్డారు. వెల్కమ్ చేయలి కదా మరి అంటూ సంజన చెప్పింది. నేనా తీయాల్సింది.. అని ప్రియ అనగానే నువ్వే.. అలానే నువ్వు నోరు తెరవకూడదు.. జాలిగా అడిగినా సరే అంటూ క్లాస్ పీకింది సంజన.
Read Also: Asia Cup: ఆసియా కప్ లో బంగ్లా ఓటమి.. పాక్‌తోనే భారత్ ఫైనల్‌
లవ్ ట్రాక్ గురించి అందుకే చెప్పా
ఇక తన బెడ్ దగ్గర సర్దుకుంటూ కెమెరాతో మాట్లాడింది దివ్య. లవ్ ట్రాక్ అది కూడా చెప్పడానికి మెయిన్ రీజన్ ఏంటంటే ఇప్పుడు నేను ఒక్క మాట చెప్తే ఈ ఒక్క దానికి నలుగురు షేక్ అయ్యారు హౌస్‌లో.. ఇప్పుడు దాన్ని బట్టి వాళ్ల బిహేవియర్ ఎలా మారుస్తారో ఏంటి అని ఆడియన్స్ చూడాలి.. అప్పుడు ఎవరు ఎంత జెన్యూన్.. ఎవరు ఊరికే ఫుటేజ్ కోసం లవ్ ట్రాక్ మెయింటైన్ చేస్తున్నారు ఎవరికి నిజంగా ఫీలింగ్స్ ఉన్నాయి ఏంటో మరి తెలీదు కానీ అది తెలుసుకుందామని ఒక రాయి వేశా.. జనాల ముఖాలు మాడిపోయాయి.. అంటూ దివ్య మాట్లాడింది. నిజానికి దివ్య చాలా తెలివిగా ఈ పని చేసింది. ఎందుకంటే ఇప్పుడు లవ్ ట్రాక్ నెగెటివ్‌గా వెళ్తుందనే విషయం తెలిసింది కనుక కళ్యా, డీమన్ , రీతూ ఎవరైనా కాస్త దూరంగా తిరిగారంటే.. ఆడియన్స్ దృష్టిలో వీళ్లు నటిస్తున్నారని అర్థమైపోతుంది. లేదు వాళ్లు అలానే ఉంటే.. వీళ్లు ఇక ఎప్పటికీ మారరు అనే ఫీలింగ్ కలుగుతుంది. ఇందులో ఏది జరిగినే వాళ్లకే నష్టం అన్న మాట.
