Shrasti Verma Bigg Boss Buzz: బిగ్ బాస్ బజ్ హోస్టింగ్ శివాజీ చేస్తున్నారంటే అంచనాలు అమాంతం పెరిగిపోయాయి. ఎలిమినేట్ అయిన కంటెస్టెంట్స్‌ని రోస్టింగ్ చేసి పారేస్తారని ఓ రేంజ్ లో హైప్ ఇచ్చేశారు. శివాజీపైన ఓ రేంజ్ హోప్స్ పెట్టుకున్నారు బిగ్ బాస్ లవర్స్. ఎందుకంటే.. శివాజీ ఆఫ్ స్క్రీన్ కాదు.. ఆన్ స్క్రీన్‌లోనూ కుండబద్దలు కొట్టినట్టే ఉంటారు. పైగా అతను బిగ్ బాస్ సీజన్ 7 ఫైనలిస్ట్ కావడంతో రోస్టింగ్ మామూలుగా ఉండదని అంతా అనుకున్నారు. అయితే బిగ్ బాస్ బజ్ తొలి ఇంటర్వ్యూలో శివాజీ మార్క్ కనిపించలేదు. సీనియర్ నటుడు, బిగ్ బాస్ సీజన్ 7 ఫైనలిస్ట్ కావడంతో ఆయన హోస్టింగ్ ఎలా చేస్తారని ఆసక్తిగా చూశారు. అయితే ప్రోమో వచ్చింది కానీ.. శివాజీ అయితే పెద్దగా ఇంపాక్ట్ చూపించలేదు. గతంలో బిగ్ బాస్ బజ్ హోస్ట్ చేసిన అర్జున్, గీతూ రాయల్, అరియానా, రాహుల్ సిప్లిగంజ్ వాళ్లే బెటర్ అన్నట్టుగా చప్పగా సాగింది. బిగ్ బాస్ హౌస్ నుంచి ఫస్ట్ వికెట్ పడింది. కాంట్రవర్సీ కొరియోగ్రాఫర్ శ్రష్టివర్మ తొలివారంలో ఎలిమినేట్ అయ్యారు. నిజానికి హౌస్‌లో ఉన్న సెలబ్రిటీలలో కాస్త స్ట్రాంగ్ కంటెస్టెంట్ అని చెప్పాలన్నా.. కంటెంట్ వచ్చే, ఇచ్చే కంటెస్టెంట్ అని చెప్పాలన్నా శ్రష్టివర్మే. అలాంటి ఆమెని అనూహ్యంగా తొలివారంలోనే ఎలిమినేట్ చేశారు. ఆమె ఎలిమినేషన్ ప్రాసెస్ కూడా షాకింగ్‌గానే అనిపించింది.

Read Also: Bigg Boss New Promo: సండే ఎపిసోడ్ లో మిరాయ్ టీమ్ సందడి.. నన్ను లోపలికి పంపించేయండన్న తేజా సజ్జ

కంటెస్టెంట్లతో చెడుగుడు..

బిగ్ బాస్ బజ్ హోస్ట్ చేయడం అంటే మామూలు విషయం కాదు. ఎందుకంటే.. గేమ్‌ని గట్టిగా ఫాలో అయితేనే బజ్‌లో ఎలిమినేట్ అయిన కంటెస్టెంట్స్‌తో చెడుగుడు ఆడుకోవచ్చు. గత సీజన్‌లో అంబటి అర్జున్ ఇదే చేశాడు. గేమ్‌ని పిన్ టు పిన్ ఫాలో అవుతూ.. జనంలో ఏవైతే సందేహాలు ఉండేవే.. వాటిని సూటిగా సుత్తిలేకుండా కొట్టినట్టుగా అడిగేవాడు. అయితే శివాజీ బిగ్ బాస్ బజ్ హోస్ట్ అనేసరికి అంతకు మించే ఎక్స్‌పెక్టేషన్స్ పెట్టుకున్నాం కానీ.. శ్రష్టి వర్మ బజ్ ఇంటర్వ్యూ చూస్తూ.. అబ్బే పసలేదు అనేట్టుగానే ఉంది. రోస్టింగ్ కాదు కదా.. ప్రశ్నలు కూడా సప్పగా సాగినట్టే ఉన్నాయి. రివర్స్‌లో శ్రష్టి.. శివాజీనే రోస్ట్ చేసినట్టుగా ఉంది. నిజానికి వేరే వాళ్లతే బిగ్ బాస్ బజ్ ఇంటర్వ్యూపై ఇంత అంచనాలు ఉండేవి కాదు.. ఎవరూ పెద్దగా పట్టించుకునేవారూ కాదు.. కానీ శివాజీ హోస్ట్ చేయడంతో బజ్ ఇంటర్వ్యూపై అంచనాలు పెరిగాయి. అయితే ఆయన హోస్టింగ్‌తో మాత్రం తుస్సుమనిపించారు. బిగ్ బాస్ బజ్ ఇంటర్వ్యూ అనేది.. కేవలం బిగ్ బాస్ టీం మాత్రమే ఇచ్చిన ప్రశ్నలే కాకుండా.. హోస్ట్ చేసే వాళ్లు సొంతంగా కూడా అడగొచ్చు. గత సీజన్లలో అదే అయ్యింది. బట్ అలా చేయాలంటే.. అన్ని ఎపిసోడ్‌లను చూడాలి. 24 గంటలు షో ఫాలో కాకపోయినా కూడా.. అసలేం జరుగుతుందనే అవగాహన ఉండాలి. అప్పుడే వాళ్లు ఇచ్చి ప్రశ్నలకు వెంటనే కౌంటర్ పడుతుంది. ఇప్పుడు శివాజీ ఉన్న బిజీ షెడ్యూల్‌లో బజ్ ఇంటర్వ్యూకోసం అంత టైమ్ కేటాయించడం కష్టం కాబట్టి.. బిగ్ బాస్ టీం ఏదైనా ప్రశ్నలు వేయమంటుందో అవి వేసి వెళ్లిపోవడం తప్పితే చేయగలిగింది ఏం లేదు. వీకెండ్‌లో నాగార్జున వచ్చి ఎలాగైతే టాక్‌ బ్యాక్‌లో బిగ్ బాస్ టీం ఆడించనట్టుగా ఆడి ఎలా వెళ్లిపోతారో.. బజ్ ఇంటర్వ్యూలోనూ శివాజీ అదే పాత్రను పోషించడం వల్ల బజ్ ఇంటర్వ్యూలో కావాల్సిన కిక్ అయితే కనిపించడం లేదు. ప్రోమో కూడా చప్పగానే సాగింది. ఇంటర్వ్యూ అంతా వన్ సైడెడ్ గా జరిగిపోయినట్లు కన్పిస్తోంది.

Read Also: Diet: కురగాయలు వండేటప్పుడు ఏ గింజలు వాడితే సమస్యలు రావంటే?