Bigg Boss Wild Card: బిగ్ బాస్ తెలుగు సీజన్ నాలుగో వారం సక్సెస్ ఫుల్ గా రన్ అవుతోంది. బిగ్ బాస్ ఇచ్చే కొత్త గేమ్స్, టాస్కులు, ట్విస్టులు, కంటెస్టెంట్ల ఆటతీరు, గొడవలు , ఊహించని ఎలిమినేషన్లు, మిడ్ వీక్ వైల్డ్ కార్ట్ ఎంట్రీలు.. మొత్తానికి గతం కంటే కొంచెం భిన్నంగా ఈ బిగ్ బాస్ సీజన్ సాగుతోంది. హౌస్ లోకి మొదటగా 15 మంది కంటెస్టంట్లు అడుగుపెట్టగా.. ముగ్గురు ఎలిమినేట్ అయ్యారు. ఈ వారం మరొకరు ఎలిమినేట్ కానున్నారు. అయితే, ఇప్పటికే హౌస్ లోకి వైల్డ్ కార్డు రూపంలో దివ్య నిఖితా ఎంట్రీ ఇచ్చింది. ‘అగ్నిపరీక్ష’ షో సత్తా చాటిన ఆమె కామనర్స్ కోటాలో బిగ్ బాస్ లోకి ఎంట్రీ ఇచ్చింది. సామాన్యుల కేటగిరీలో ఇదే అగ్నిపరీక్ష షో నుంచి మరొకరు కూడా వైల్డ్ కార్డు కంటెస్టెంట్ గా హౌస్ లోకి అడుగుపెట్టే అవకాశముంది. అయితే, ఈసారి సెలబ్రెటీ కోటాలో ఓ ప్రముఖ నటుడు హౌస్ లోకి అడుగుపెట్టనున్నారు.

Read Also: Elephant Viral Video:  హృదయ విదారక ఘటన.. పట్టాలపై గాయాలతో విలవిల్లాడిన ఏనుగు

సెలబ్రెటీ కోటాలో..

ఇక సెలబ్రిటీ కోటాలో వైల్డ్ కార్డు కంటెస్టెంట్స్ విషయానికి వస్తే.. సీరియల్ హీరోయిన్ సుహాసిని, అలేఖ్య చిట్టి పికిల్స్ రమ్య దాదాపు ఖరారైనట్లు తెలుస్తోంది. కావ్యశ్రీ, అమర్ దీప్ కూడా వస్తారని ప్రచారం జరుగుతోంది. అయితే లేటెస్ట్ అప్ డేట్ ఏంటంటే.. ప్రముఖ కమెడియన్ ప్రభాస్ శ్రీను కూడా బిగ్ బాస్ హౌస్ లోకి రానున్నట్లు సమాచారం. ఇందుకోసం బిగ్ బాస్ టీం ఇప్పటికే అతనిని సంప్రదించిందని తెలుస్తోంది. ఒకవేళ అదే నిజమైతే బిగ్ బాస్ మరింత ఇంట్రెస్టింగ్ గా మారనుంది. ఇకపోతే, ఎన్నో సూపర్ హిట్ సినిమాల్లో కమెడియన్ గా నటించి మెప్పించారు ప్రభాస్ శీను. విక్రమార్కుడు, పౌర్ణమి, డార్లింగ్, మిస్టర్ పర్ ఫెక్ట్, ఊసరవెల్లి, గబ్బర్ సింగ్, సింగిల్.. ఇలా చెప్పుకుంటూ పోతే చాలా సినిమాల్లో నటించాడు ప్రభాస్ శీను.

Read Also: Personal Loan: పర్సనల్ లోన్ తీసుకోవాలనుకుంటున్నారా? ఈ ఐదు తప్పులు అస్సలు చేయొద్దు

కాగా పాన్ ఇండియా సూపర్ స్టార్ ప్రభాస్, శ్రీను ఇద్దరూ మంచి ఫ్రెండ్స్. ఫిలిం ఇన్‌స్టిట్యూట్‌లో బ్యాచ్ మేట్స్‌గా కూడా ఉన్నారు. అయితే, ప్రభాస్ సినిమాల్లో హీరోగా బిజీ అయిన తర్వాత పర్సనల్ అసిస్టెంట్ గా ప్రభాస్ డేట్స్‌ను శ్రీనునే మేనేజ్ చేస్తున్నాడు. ఇటీవలే సింగిల్ సినిమాతో ఆడియెన్స్ ను కడుపుబ్బా నవ్వించిన ప్రభాస్ శీను చేతిలో మరో రెండు, మూడు సినిమాలున్నాయి. అయితే, ప్రభాస్ శ్రీను ఈ సినిమాలకు బ్రేక్ ఇచ్చి అతను బిగ్ బాస్ లోకి వస్తాడో? లేదో? మరికొన్ని రోజుల్లో తెలియాల్సి ఉంది. ఒకవేళ వైల్డ్ కార్డు ఎంట్రీలు ఉండనుంటే ఈ వీక్ డబుల్ ఎలిమినేషన్ ఉండనున్నట్లు తెలుస్తోంది. అయితే, అందులో ఒకరు కచ్చితంగా దమ్ము శ్రీజ ఉండనున్నట్లు తెలుస్తోంది.