Amazon Pink Dot Tamper Proof : ఆన్‌లైన్ షాపింగ్ టైమ్‌లో అమెజాన్‌లో ఆర్డర్ పెట్టి, ప్యాకేజీ వచ్చినప్పుడు ఎక్కువగా దాని లోపల ఉన్న ప్రొడక్ట్ మీదే దృష్టి పెడతాం. కానీ, ప్యాకేజీపై ఒక చిన్న గులాబీ లేదా ఎరుపు చుక్క (పింక్ డాట్) కనిపిస్తే, అది మీకు సీక్రెట్ అలర్ట్! ఈ చిన్న చుక్క వెనుక దాగి ఉన్న కారణం తెలిస్తే, మీరు ఆశ్చర్యపోతారు. ఇది అమెజాన్ మోసాలు (ట్యాంపరింగ్) నివారించడానికి తీసుకున్న స్మార్ట్ స్టెప్. ఈ టెక్నాలజీతో కస్టమర్లు సేఫ్‌గా షాపింగ్ చేయవచ్చు, మరి ఇది ఎలా పని చేస్తుందో తెలుసుకుందాం.

ALSO READ: KTR: స్థానిక ఎన్నికలు బహిష్కరించండి.. భూ నిర్వాసితులకు కేటీఆర్‌ సూచన

ఆన్‌లైన్ మోసాలు పెరుగుతున్న ఈ రోజుల్లో, డెలివరీ ఏజెంట్లు ప్యాకేజీ మధ్యలో తెరిచి, అసలు ప్రొడక్ట్‌ను తీసివేసి, చౌక లేదా నకిలీ వస్తువు పెట్టి మళ్లీ సీల్ చేస్తున్న కేసులు సాధారణం. మొబైల్ ఆర్డర్ చేస్తే సబ్బు బార్, ల్యాప్‌టాప్‌కు ఇటుక వస్తుందని కంప్లైంట్లు వస్తున్నాయి. దీనికి సొల్యూషన్‌గా అమెజాన్ జూన్ 2025 నుంచి ‘ట్యాంపర్-ప్రూఫ్’ సీలింగ్ టెక్నాలజీ ప్రవేశపెట్టింది. ఇది ప్యాకేజీ సీల్ మీద ఉండే స్పెషల్ టేప్‌లో హీట్-సెన్సిటివ్ (వేడికి సున్నితమైన) చుక్కలు. సాధారణంగా తెల్లటి రంగులో ఉంటాయి, కానీ ఎవరైనా ప్యాకేజీ తెరవడానికి వేడి (హీట్ గన్) ఉపయోగిస్తే, ఆ చుక్కలు గులాబీ లేదా ఎరుపు రంగులోకి మారతాయి. ఇలా ట్యాంపరింగ్ (మార్పిడి) జరిగినట్లు వెంటనే తెలుస్తుంది.

ఈ టెక్నాలజీ ప్రస్తుతం మెడిసిన్స్, కాస్మెటిక్స్, బ్యూటీ ప్రొడక్ట్స్‌లకు మాత్రమే అప్లై అవుతోంది, ఎందుకంటే ఇవి సున్నితమైనవి మరియు ఆర్థికంగా ముఖ్యం. త్వరలో ఇతర ప్రొడక్ట్స్‌కు కూడా విస్తరిస్తారని అమెజాన్ ప్రత్యాశ. సోషల్ మీడియాలో X (ట్విట్టర్)పై ఈ పింక్ డాట్ గురించి ఒక యూజర్ పోస్ట్ వైరల్ అయింది – “ప్యాకేజీపై పింక్ డాట్ కనిపిస్తే, రిజెక్ట్ చేయండి!” అంటూ. ఇది కస్టమర్లకు అవగాహన కల్పించడానికి సహాయపడుతోంది.

ఎలా చెక్ చేయాలి?

ప్యాకేజీ వచ్చిన వెంటనే సీల్ మీద చూడండి.
చుక్కలు తెల్లటిగా ఉంటే – సేఫ్, తెరవవచ్చు.
గులాబీ/ఎరుపు రంగులో మారితే – ట్యాంపరింగ్ జరిగిందని అర్థం. ఫోటో తీసి, డెలివరీ ఏజెంట్‌కు చెప్పి రిజెక్ట్ చేయండి. అమెజాన్ కస్టమర్ కేర్‌కు రిపోర్ట్ చేసి, రీ-ఆర్డర్ చేయవచ్చు.
అమెజాన్ ఇంతకు ముందు ‘ఓపెన్ బాక్స్ డెలివరీ’ వంటి మెథడ్స్ ట్రై చేసింది, కానీ ఈ హీట్-సెన్సిటివ్ టెక్ మరింత ఎఫెక్టివ్. ఇలాంటి ఇన్నోవేషన్‌తో ఆన్‌లైన్ షాపింగ్ మరింత సేఫ్ అవుతోంది. మీరు ఆర్డర్ పెట్టినప్పుడు ఈ చుక్కలు చూసి జాగ్రత్త పడండి!