Bank Holidays 2025: బ్యాంకు పనులు ఉంటే ముందుగానే చూసుకోండి. ఈ నెలలో బ్యాంక్ హాలిడేస్ ఎక్కువగానే ఉన్నాయి. జూలై రెండో వారంలోకి అడుగుపెట్టాం. ఈ వారాంతంలో రెండో శనివారం బ్యాంకులు పనిచేయవు. తర్వాత రోజు ఆదివారం కూడా సెలవు ఉంటుంది. ఈ సంవత్సరం గురు పౌర్ణమి (జూలై 10) ప్రత్యేకంగా సెలవుగా ప్రకటించకపోయినా, ఇది హిందూ, బౌద్ధ, జైన్ మతాలవారి చేత విస్తృతంగా జరుపబడే పవిత్రమైన రోజుగా ఉంది. అయితే ఈ రోజు బ్యాంకులు, ఇతర కార్యాలయాలు సాధారణంగా పనిచేయనున్నట్లు సమాచారం. గురు పౌర్ణమి ఈ ఏడాది భారత ప్రభుత్వ సెలవుల జాబితాలో లేదు. రిజర్వ్ బ్యాంక్ ఆఫ్ ఇండియా (RBI) ప్రకారం, జూలై నెలలో కొన్ని ప్రాంతీయ ఉత్సవాలను పురస్కరించుకొని బ్యాంకులు పలు రాష్ట్రాల్లో మూసివేయబడతాయి. ఈ సెలవులు ‘నెగోషియబుల్ ఇన్‌స్ట్రుమెంట్స్ యాక్ట్’ ప్రకారం ఆమోదించబడినవిగా ఉంటాయి. కొన్ని ముఖ్యమైన ప్రాంతీయ సెలవులు చూస్తే ఇలా ఉన్నాయి.

జూలై నెలలో సాధారణ బ్యాంకు సెలవులు

సాధారణంగా భారతదేశంలో రెండో, నాలుగో శనివారాలు, అలాగే ఆదివారాలు బ్యాంకులకు సెలవు ఉంటుంది. ఈ నెలలో బ్యాంకులు మూసివుండే సాధారణ తేదీలు:

జూలై 6 (ఆదివారం)

జూలై 12 (రెండో శనివారం)

జూలై 13 (ఆదివారం)

జూలై 26 (నాలుగో శనివారం)

జూలై 27 (ఆదివారం)

రాష్ట్రాల వారీగా పలు పండుగలు, సెలవుల వివరాలు..

జూలై 14 – బెహ్ డెయిన్‌ఖ్లామ్ : మేఘాలయాలోని షిల్లాంగ్‌లో బ్యాంకులు మూసివేయబడ్డాయి.

జూలై 16 – హరేలా : ఉత్తరాఖండ్‌లోని డెహ్రాడూన్ ప్రాంతంలో బ్యాంకులు మూసివేస్తారు.

జూలై 17 – ఉ టిరాట్ సింగ్ వర్థంతి : మేఘాలయాలోని షిల్లాంగ్‌లో బ్యాంకులు సెలవు.

జూలై 19 – కేర్ పూజా :  త్రిపురాలోని అగర్తలాలో బ్యాంకులు మూసివేయబడతాయి.

జూలై 28 – ద్రుక్ప త్షే-జి : సిక్కింలోని గ్యాంగ్‌టాక్‌లో బ్యాంకులు సెలవు.

ఆర్బిఐ, రాష్ట్ర ప్రభుత్వాలు ప్రతి సంవత్సరం బ్యాంకు సెలవులను అనేక అంశాల ఆధారంగా నిర్ణయిస్తాయి. అందులో జాతీయ పండుగలు, ప్రాంతీయ సంస్కృతిక వేడుకలు, మతపరమైన సంబరాలు, అలాగే ప్రాంతీయ కార్యనిర్వహణ అవసరాలు ముఖ్యంగా పరిగణించబడతాయి. కాబట్టి, ఒక రాష్ట్రంలో సెలవు ఉండగా, మరొక రాష్ట్రంలో బ్యాంకులు యధావిధిగా పని చేయవచ్చు.

ఎటిఎం & ఆన్‌లైన్ బ్యాంకింగ్ సేవలు ఎలా ఉంటాయి?

బ్యాంక్‌కు వెళ్లకుండానే ఆన్ లైన్ సేవల ద్వారా పనులు పూర్తి చేసుకోవచ్చు. ATM సేవలు వినియోగించుకోవచ్చు, దేశవ్యాప్తంగా ATM లు యథావిధిగా పనిచేస్తాయి. ఎటిఎంల్లో డిపాజిట్లు, విత్‌డ్రాలు చేయవచ్చు. కొన్ని ప్రాంతాల్లో లాంగ్ వీకెండ్ రద్దీ కారణంగా “No Cash” సమస్యలు ఎదురవచ్చు. అన్ని ఆన్‌లైన్ బ్యాంకింగ్ సేవలు పూర్తిగా అందుబాటులో ఉంటాయి. NEFT, IMPS, UPI సేవల ద్వారా లావాదేవీలు సాధ్యమే, టెక్నికల్ అవరోధాలు తప్పితే, ఏ సేవలలోనూ అంతరాయం ఉండదు.