Best Scooters For Women: ఇటీవల కాలంలో కాలేజ్కు వెళ్లే విద్యార్థినిలు, ఆఫీసులకు వెళ్లే మహిళలు స్కూటీలను ఎక్కువగా వాడుతున్నారు. దీని దృష్టిలో ఉంచుకుని అనేక కంపెనీ తయారీదారులు వీరి అవసరాలు, సౌకర్యం కోసం కొత్త స్కూటీలను మార్కెట్లోకి తీసుకువస్తున్నాయి. అయితే ప్రస్తుతం మార్కెట్లో ప్రత్యేకంగా మహిళలే ఉపయోగించే కొన్ని బెస్ట్ స్కూటర్ల ఉన్నాయి. వీటిని నడపడం ఎంతో సులభం! అంతేకాదు ఈ స్కూటర్లు తక్కువ సీటు ఎత్తు కలిగి, సౌకర్యవంతమైన రైడ్ను అందిస్తాయి. మరి మహిళా రైడర్లకు ఉపయోగపడే స్కూటర్ల గురించి ఈ స్టోరీలో తెలుసుకుందాం.
Suzuki Access 125
సుజుకి యాక్సెస్ 125 ధర రూ.77,684 (ఎక్స్-షోరూమ్). దీని సీటు, ఫ్లాట్ ఫుట్బోర్డ్, సౌకర్యవంతమైన హ్యాండిల్బార్ స్థానం రైడర్ కు సౌకర్యవంతమైన రైడింగ్ అనుభవాన్ని అందిస్తాయి. మహిళల కోసం ప్రత్యేకంగా సౌకర్యవంతంగా రూపొందించబడిన ఈ స్కూటర్ రద్దీ ప్రదేశాలలో కూడా సులభంగా నడపవచ్చు.
TVS Jupiter 125
కంపెనీ రోజువారీ వాడకాన్ని దృష్టిలో ఉంచుకుని దీని సౌకర్యంగా రూపొందించింది. నిటారుగా ఉన్న రైడింగ్ పొజిషన్, వెడల్పుగా, బాగా ప్యాడ్ చేసిన సీటు, తక్కువ స్టెప్-త్రూ డిజైన్ కలిగి ఉంటుంది. ఇది ఎక్కడం, దిగడం సులభం చేస్తాయి. కంపెనీ ప్రత్యేకంగా ట్యూన్ చేసిన సస్పెన్షన్ పట్టణ రోడ్లలో సాఫీ, సౌకర్యవంతమైన రైడ్ ఇస్తుంది. కాగా, దీనిఎక్స్-షోరూమ్ ధర రూ.75,600.
ALSO READ:Honda Shine 125: ప్రీమియం లుక్తో మార్కెట్లోకి హోండా షైన్ 125 లిమిటెడ్ ఎడిషన్..
Honda Activa 125
హోండా యాక్టివా 125 ధర రూ.89,652 (ఎక్స్-షోరూమ్). ఇది స్థిరమైన రైడ్ నాణ్యత, అధునాతన మెకానికల్ సెటప్కు ప్రసిద్ధి చెందింది. ఇది ఒత్తిడిని తగ్గించే సౌకర్యవంతమైన రైడింగ్ పొజిషన్ను అందిస్తుంది. రోజువారీ ప్రయాణాలకు సౌకర్యవంతగా ఉంటుంది. టెలిస్కోపిక్ ఫ్రంట్ సస్పెన్షన్, వెనుక షాక్ అబ్జార్బర్లు పట్టణ రహదారి పరిస్థితులకు అనుగుణంగా ట్యూన్ చేయబడ్డాయి.
Yamaha Fascino 125
యమహా ఫాసినో 125 FI హైబ్రిడ్ ఎక్స్-షోరూమ్ ధర రూ.74,910. హైబ్రిడ్ అసిస్ట్ సిస్టమ్ ద్వారా తక్కువ వేగంలో స్మూత్ స్టార్ట్స్ను అందిస్తుంది. ఇది భారీ ట్రాఫిక్లోనూ ఉపయోగకరంగా ఉంటుంది. పట్టణ రోడ్లపై స్మూత్ హ్యాండ్లింగ్ కోసం సస్పెన్షన్ ప్రత్యేకంగా ట్యూన్ చేయబడి ఉంది. లైట్ స్టీరింగ్ స్కూటర్ని కార్నర్ చేయడంలో సులభతరం చేస్తుంది. ఇంతకూడా నగర రైడింగ్ కోసం అనుకూలమైన స్కూటర్ అనుభవాన్ని ఇస్తుంది.
Hero Pleasure Plus Xtec
హీరో ప్లెజర్ ప్లస్ Xtec ఎక్స్-షోరూమ్ ధర రూ.69,766. ఇది తేలికపాటి, రైడర్-ఫ్రెండ్లీ బైక్గా ప్రసిద్ధి చెందింది. దీని సీటు ఎత్తు తక్కువగా ఉంటుంది. దీంతో సులభంగా ఎక్కవచ్చు, దిగవచ్చు. అలాగే కాంపాక్ట్ బాడీ ముఖ్యంగా, పొట్టిగా ఉన్నవారికి కూడా సౌకర్యాన్ని ఇస్తుంది.
పట్టణ రోడ్లపై సౌకర్యవంతమైన రైడింగ్ కోసం ప్రత్యేకంగా ట్యూన్ చేసిన సస్పెన్షన్ రూపొందించారు. అయితే, సీటు కుషనింగ్ రోజువారీ ప్రయాణాల్లో అలసటను తగ్గించడంలో సహాయపడతాయి.