Rs. 4000 crores credited in EPFO: ప్రభుత్వం తాజాగా ఉద్యోగుల భవిష్యనిధి సంస్థ (EPFO) ఖాతాదారులకు ఊరటనిచ్చే నిర్ణయం తీసుకుంది. పిఎఫ్ గురించి కేంద్ర కార్మిక శాఖ మంత్రి మన్సుఖ్ మంసుఖ్ మాండవీయ కీలక ప్రకటన చేశారు. 2024-25 ఆర్థిక సంవత్సరానికి గాను EPFO ఖాతాల్లో వడ్డీ జమ ప్రక్రియను స్వల్పకాలంలోనే పూర్తి చేసినట్టు ఆయన తెలిపారు. సుమారు 32.4 కోట్ల మంది ఖాతాల్లో రూ. 4,000 కోట్లు వడ్డీగా జమ అయ్యింది.

వేగవంతమైన ప్రక్రియ 

ప్రతి ఆర్థిక సంవత్సరానికి ఇపిఎఫ్ఒ వడ్డీ రేటును నిర్ణయిస్తారు. అయితే 2024-25 సంవత్సరానికి కూడా పిఎఫ్ వడ్డీని ప్రకటించారు. ఈసారి ఇపిఎఫ్ఒ వడ్డీ రేటును ప్రభుత్వం 8.25 శాతంగా ఈ ఏడాది ఫిబ్రవరి 28న ప్రకటించింది. దీనికి మే 22న కేంద్ర ఆర్థిక శాఖ నుంచి ఆమోదం పొందింది. వెంటనే అవసరమైన సాంకేతిక చర్యలు చేపట్టిన ఇపిఎఫ్ఒ జూన్ 6 రాత్రి నుంచే ఖాతాల వార్షిక నవీకరణ ప్రక్రియ ప్రారంభించింది.

పూర్తి దేశవ్యాప్తంగా 14 లక్షల మంది సంస్థలలోని 33.5 కోట్ల ఖాతాలు ఈ ప్రక్రియకు ఉంటాయి. ఇందులో జూలై 8 నాటికి 32.4 కోట్ల ఖాతాల్లో వడ్డీ జమ కాగా, మిగతా ఖాతాల్లో ఈ వారాంతంలోగా వడ్డీ జమ అయ్యే అవకాశం ఉంది.

గతేడాది కంటే వేగంగా.. 

గత సంవత్సరాల్లో ఈ వడ్డీ జమ ప్రక్రియ నెలల తరబడి కొనసాగుతూ ఉండేది. ఉదాహరణకు 2023-24లో వడ్డీ జమ ప్రక్రియ ఆగస్టులో మొదలై డిసెంబరులో పూర్తయ్యింది. అయితే ఈసారి సాంకేతికతను మెరుగుపర్చిన ఇపిఎఫ్ఒ, కేవలం రెండు నెలల్లోనే ఈ ప్రక్రియను విజయవంతంగా పూర్తి చేసింది. ఇది ఖాతాదారులకు తక్షణ లాభం అందించడంలో దోహదం చేస్తుంది. ఇది ఒక రికార్డు స్థాయి అభివృద్ధిగా భావించవచ్చు. ఇపిఎఫ్ఒ వ్యవస్థలో మరింత పారదర్శకత, వేగవంతమైన సేవలు అందించేందుకు ప్రభుత్వం ప్రయత్నిస్తున్నట్టు ఇది సూచిస్తోంది.

పూర్తయిన ఖాతాల శాతం

• మొత్తం ఖాతాల సంఖ్య: 33.5 కోట్లు

• వడ్డీ జమ అయిన ఖాతాలు: 32.4 కోట్లు

• పూర్తయిన శాతం: 96.51%

• సంస్థల శాతం: 99.9% (14 లక్షల సంస్థల్లో)

ఉద్యోగుల ప్రయోజనాలపై ప్రభుత్వం దృష్టి

ఈ చర్య వల్ల ఉద్యోగులకు త్వరగా లాభాలు అందేలా మారుతుంది. ఉద్యోగులు వారి ఖాతాల్లో వడ్డీ జమ అయ్యిందా లేదా అనే సందేహంలో ఉండకుండా, వెంటనే తమ ఫండ్ వివరాలు చూసుకోవచ్చు. ఇది ప్రజలలో నమ్మకాన్ని పెంచుతుంది. ఇపిఎఫ్ఒ పనితీరు ఇటీవల వేగంగా ఉంది. ఈ స్పీడ్, పారదర్శకత, నాణ్యత – ఇవన్నీ ఉద్యోగుల భవిష్యత్తును మరింత భద్రమైనదిగా మార్చేందుకు దోహదపడతాయి. ఈ విధంగా ప్రభుత్వం తీసుకుంటున్న చర్యలు ఉద్యోగుల నమ్మకాన్ని మరింతగా పెంచుతున్నాయి.