Flipkart Black vs Amazon Prime : పండగ సీజన్‌ సమీపిస్తున్న వేళ అమెజాన్‌ గ్రేట్‌ ఇండియన్‌ ఫెస్టివల్‌, ఫ్లిప్‌కార్ట్‌ బిగ్‌ బిలియన్‌ డేస్‌ సేల్స్‌ సిద్ధమవుతున్నాయి. ఈ సేల్స్‌లో ప్రీమియం సబ్‌స్క్రైబర్లకు ఒక రోజు ముందుగా యాక్సెస్‌ లభిస్తుంది. అమెజాన్‌ ప్రైమ్‌కు పోటీగా ఫ్లిప్‌కార్ట్‌ ఇటీవల ‘బ్లాక్‌’ మెంబర్‌షిప్‌ను ప్రవేశపెట్టింది. ఈ రెండు సబ్‌స్క్రిప్షన్‌లలో ధరలు, షాపింగ్‌, వినోద ప్రయోజనాలను పోల్చి చూద్దాం.

ALSO READ: Iran : ఇరాన్‌లో 8 నెలల్లో 841 మందికి ఉరిశిక్ష.. ఆందోళనలో ఐరాస!

సబ్‌స్క్రిప్షన్‌ ధరలు

అమెజాన్‌ ప్రైమ్‌: నెలవారీ రూ.299, త్రైమాసిక రూ.599, ఏడాది రూ.1,499. అదనంగా ప్రైమ్‌ లైట్‌ (రూ.799/సంవత్సరం), ప్రైమ్‌ షాపింగ్‌ ఎడిషన్‌ (రూ.399/సంవత్సరం) అందుబాటులో ఉన్నాయి. 30 రోజుల ఫ్రీ ట్రయల్‌, ప్రో-రేటా రీఫండ్‌ ఆప్షన్‌ ఉన్నాయి.
ఫ్లిప్‌కార్ట్‌ బ్లాక్‌: కేవలం ఏడాది ప్లాన్‌, ధర రూ.1,499. లాంచ్‌ ఆఫర్‌గా ఆగస్టు 31, 2025 వరకు రూ.990. రీఫండ్‌ ఆప్షన్‌ లేదు.

షాపింగ్‌ & డీల్స్‌

అమెజాన్‌ ప్రైమ్‌: ఫ్రీ వన్‌-డే, సేమ్‌-డే డెలివరీలు, ప్రైమ్‌ డే డీల్స్‌, లైటనింగ్‌ డీల్స్‌, సేల్స్‌కు ముందుగా యాక్సెస్‌. అమెజాన్‌ పే ICICI క్రెడిట్‌ కార్డ్‌తో 5% క్యాష్‌బ్యాక్‌ (ఉదా: రూ.2,000 కొనుగోలుపై రూ.100). నో-కాస్ట్‌ EMI, బ్యాంక్‌ ఆఫర్లు కూడా ఉన్నాయి.

ఫ్లిప్‌కార్ట్‌ బ్లాక్‌: 5% సూపర్‌కాయిన్స్‌ క్యాష్‌బ్యాక్‌ (ఆర్డర్‌కు గరిష్ఠంగా 100 కాయిన్స్‌, నెలకు 800 కాయిన్స్‌). బ్లాక్‌ డీల్స్‌లో ప్రీమియం ఎలక్ట్రానిక్స్‌పై డిస్కౌంట్లు, సేల్స్‌కు ముందుగా యాక్సెస్‌. క్లియర్‌ట్రిప్‌, ఫ్లిప్‌కార్ట్‌ ట్రావెల్‌ ద్వారా రూ.1కే ఫ్లైట్‌ రద్దు/రీషెడ్యూల్‌. ఫ్లిప్‌కార్ట్‌ యాక్సిస్‌ బ్యాంక్‌ కార్డ్‌తో అదనంగా రూ.100 క్యాష్‌బ్యాక్‌.

వినోదం

అమెజాన్‌ ప్రైమ్‌: ప్రైమ్‌ వీడియో (భారతీయ, అంతర్జాతీయ కంటెంట్‌), ప్రైమ్‌ మ్యూజిక్‌, ప్రైమ్‌ రీడింగ్‌ (ఇ-బుక్స్‌, మ్యాగజైన్స్‌), ప్రైమ్‌ గేమింగ్‌ (ఫ్రీ గేమ్స్‌, ఇన్‌-గేమ్‌ రివార్డ్స్‌). కొంత ప్రైమ్‌ వీడియో కంటెంట్‌లో యాడ్స్‌ ఉంటాయి, యాడ్‌-ఫ్రీ కోసం అదనంగా రూ.699/సంవత్సరం.
ఫ్లిప్‌కార్ట్‌ బ్లాక్‌: ఏడాది పాటు ఉచిత యూట్యూబ్‌ ప్రీమియం (రూ.1,490 విలువ), యాడ్‌-ఫ్రీ స్ట్రీమింగ్‌, బ్యాక్‌గ్రౌండ్‌ ప్లే, ఆఫ్‌లైన్‌ డౌన్‌లోడ్స్‌, యూట్యూబ్‌ మ్యూజిక్‌ యాక్సెస్‌. ఒకే యూట్యూబ్‌ ఖాతాకు మాత్రమే వర్తిస్తుంది.

ఏది బెటర్‌?

అమెజాన్‌ ప్రైమ్‌ ఫాస్ట్‌ డెలివరీ, విస్తృత వినోద ఆప్షన్లు, ఫ్లెక్సిబుల్‌ ప్లాన్‌లతో సంపూర్ణ ప్యాకేజీ. ఫ్లిప్‌కార్ట్‌ బ్లాక్‌ క్యాష్‌బ్యాక్‌, యూట్యూబ్‌ ప్రీమియం, ట్రావెల్‌ పర్క్స్‌తో ఆకర్షిస్తుంది. ఫ్లిప్‌కార్ట్‌ షాపర్స్‌, యూట్యూబ్‌ యూజర్లకు బ్లాక్‌ రూ.990 ఆఫర్‌ ఆకర్షణీయం. స్ట్రీమింగ్‌ కంటెంట్‌, డెలివరీ సౌలభ్యం కోసం ప్రైమ్‌ బెటర్‌.