Flight: విమాన ప్రయాణం అంటేనే అధిక ధరలు గుర్తుకొస్తాయి. ఇక చిన్న పిల్లలుంటే, వారికి కూడా పూర్తి టికెట్ కొనాల్సి రావడం తల్లిదండ్రులకు అదనపు భారం. ఈ నేపథ్యంలో, దేశీయ విమానయాన దిగ్గజం ఇంటర్‌గ్లోబ్ ఏవియేషన్ (ఇండిగో) చిన్న పిల్లలు ఉన్న తల్లిదండ్రులకు శుభవార్త అందించింది. ‘Infant Fly at Rs.1’ అనే బంపర్ ఆఫర్‌ను ప్రకటించింది.

ఈ ప్రత్యేక ఆఫర్ కింద, 0 నుండి 24 నెలల వయస్సు గల శిశువులకు కేవలం ఒక రూపాయికే విమాన టిక్కెట్లను అందిస్తున్నారు. సాధారణంగా, ఒక సంవత్సరం కంటే తక్కువ వయస్సు ఉన్న పిల్లలకు కూడా టికెట్ కొనాల్సి వస్తుంది, అలాంటిది నెలల శిశువుకు కూడా పూర్తి ధర చెల్లించాల్సి వచ్చే ఈ రోజుల్లో, ఇండిగో ప్రకటించిన ఈ ఆఫర్ చిన్నారి ప్రయాణికుల తల్లిదండ్రులకు గొప్ప ఊరటనిస్తుంది.

ముఖ్య వివరాలు
0-24 నెలల వయస్సు గల శిశువులకు రూ.1కే టిక్కెట్.ఈ ఆఫర్ నవంబర్ 30 వరకు దేశీయ విమానాలలో అందుబాటులో ఉంటుంది. ఈ ఆఫర్ పొందాలంటే, ప్రయాణికులు ఇండిగో అధికారిక వెబ్‌సైట్ (goIndiGo.in) ద్వారా మాత్రమే టిక్కెట్లు నేరుగా బుక్ చేసుకోవాలి. రూ.1 టిక్కెట్లు కొనుగోలు చేసిన తల్లిదండ్రులు విమానాశ్రయంలో చెక్-ఇన్ సమయంలో తప్పనిసరిగా పిల్లల వయస్సును నిర్ధారించే చెల్లుబాటు అయ్యే పత్రాలను (జనన ధృవీకరణ పత్రం, తల్లి ఆసుపత్రి డిశ్చార్జ్ కార్డ్, టీకా సర్టిఫికేట్, పాస్‌పోర్ట్ వంటివి) చూపించాలి. సరైన వయస్సు రుజువు లేకపోతే, టికెట్ పూర్తి ధర చెల్లించాల్సి ఉంటుంది.

3 రోజుల నుండి 2 సంవత్సరాల మధ్య వయస్సు గల పిల్లలు ప్రయాణ సమయంలో శిశు కంపార్ట్‌మెంట్‌లో ప్రయాణించవచ్చు. అలాగే, ఒక విమానంలో ఒక శిశువుతో పాటు ఒక్కరూ మాత్రమే ఉండాలని ఇండిగో పేర్కొంది.ఎయిర్‌బస్ A320 విమానంలో గరిష్టంగా 12 మంది శిశువులను, ATR విమానంలో గరిష్టంగా 6 మంది శిశువులను ప్రయాణించడానికి ఇండిగో అనుమతిస్తుంది.

ఈ ఆఫర్‌తో ఇండిగో, పసిపిల్లలతో ప్రయాణించే తల్లిదండ్రులకు ఆర్థిక భారాన్ని తగ్గించడమే కాకుండా, వారి ప్రయాణాన్ని మరింత సులభతరం చేసేందుకు సహాయం అందిస్తున్నట్లు ప్రకటించింది. పూర్తి వివరాల కోసం, ప్రయాణికులు ఇండిగో అధికారిక వెబ్‌సైట్‌లోని ‘డీల్స్ అండ్ ఆఫర్స్’ విభాగాన్ని సందర్శించవచ్చు. చిన్నారితో ప్రయాణించాలనుకునే తల్లిదండ్రులు ఈ అద్భుతమైన ఆఫర్‌ను సద్వినియోగం చేసుకోవచ్చు.