Microsoft Another Massive Job Cut:మైక్రోసాఫ్ట్ మరోసారి భారీగా ఉద్యోగాల తొలగింపు చేపట్టేందుకు సిద్ధమైంది. తాజాగా మైక్రోసాఫ్ట్ పెద్ద మొత్తంలో 9,000 మందిని ఉద్యోగాల నుండి తొలగించనున్నట్టు తెలిపింది. 2025 జూలైలో దిగ్గజ టెక్ కంపెనీ ఈ నిర్ణయం ప్రకటించింది. ఇదే సంస్థ కేవలం నెల క్రితం 6,000 మందిని తొలగించింది. మే నెల నుండి ఇప్పటివరకు కంపెనీ తొలగింపుల పర్వం కొనసాగిస్తోంది. ఈ కాలంలోనే తొలగించిన ఉద్యోగుల సంఖ్య 15,000కి పైగానే చేరింది. ఈ తొలగింపులపై ఫిర్యాదులు గ్లోబల్ మార్కెట్లో పెద్ద చర్చకు దారితీశాయి.
మార్పుల పేరుతో కోతలు
మైక్రోసాఫ్ట్ ఈ నిర్ణయాన్ని సంస్థాగత మార్పుల చర్య అని ప్రకటించింది. మారుతున్న మార్కెట్ అవసరాలకు అనుగుణంగా సంస్థను మరింత సమర్థంగా మారుస్తామంటూ, అంతర్గత ఈమెయిల్‌లో సంస్థ ఉద్దేశాన్ని తెలిపింది. అయితే పరిశీలనలో ఉన్న నిపుణులు మాత్రం ఈ చర్యలకు ప్రధాన కారణం AI ఆటోమేషన్ అని స్పష్టం చేస్తున్నారు. అలాగే, సంస్థ ఈ సారి ఉద్యోగాలను అన్ని విభాగాలలోనూ కోతకలిపింది. ముఖ్యంగా గేమింగ్ డివిజన్ మీద ఈ ప్రభావం ఎక్కువగా పడింది. Xbox, ZeniMax, King వంటి ప్రముఖ గేమింగ్ బ్రాండ్లు ఈ తొలగింపుల్లో భాగమైనట్లు తెలుస్తోంది.
గేమింగ్ విభాగంలో కీలక మార్పులు
మైక్రోసాఫ్ట్ గేమింగ్ సీఈఓ ఫిల్ స్పెన్సర్ చెప్పిన దాని ప్రకారం, గేమింగ్ టీం సభ్యులకు పంపిన మెమోలో, వ్యూహాత్మక వృద్ధిపై దృష్టి పెట్టాలనే ఉద్దేశంతో కొన్ని విభాగాలను తగ్గిస్తున్నామని పేర్కొన్నారు. “పరిశ్రమలో స్థిరమైన విజయం సాధించాలంటే చురుకైన, ఫలప్రదమైన మేనేజ్‌మెంట్ అవసరం,” అని ఆయన పేర్కొన్నారు.
ఏఐ విప్లవం
2023లోనే మైక్రోసాఫ్ట్ సుమారు 10,000 మందిని తొలగించింది. 2025లో ఈ తరహా చర్యలు మరింత వేగంగా చోటు చేసుకుంటున్నాయి. ఏఐ ఆధారిత కోడ్ రైటింగ్ టూల్స్, బిజినెస్ ప్రాసెస్ ఆటోమేషన్ వంటి పరిజ్ఞానాలు, పలు ఉద్యోగాలను ప్రాధమిక అవసరాల జాబితా నుండి తొలగిస్తున్నాయి.
సత్య నాదెళ్ల స్వయంగా ప్రస్తావించినట్టుగా, ప్రస్తుతం మైక్రోసాఫ్ట్ సాఫ్ట్‌వేర్ ప్రాజెక్టుల్లో సుమారు 30% కోడ్ AI ద్వారా రాస్తున్నారు. ఇది మానవ డెవలపర్ల అవసరాన్ని గణనీయంగా తగ్గిస్తోందని విశ్లేషకుల అభిప్రాయంగా ఉంది.
ఇతర దిగ్గజాల్లోనూ అదే ధోరణి
మైక్రోసాఫ్ట్ మాత్రమే కాక, టెక్ రంగంలోని ఇతర పెద్ద కంపెనీలు కూడా ఇదే బాటలో నడుస్తున్నాయి. మెటాలోపర్ఫార్మింగ్ ఉద్యోగుల 5% తొలగించనుంది. ఆల్ఫాబెట్ కూడా గత ఏడాది నుండి వందలాది ఉద్యోగాలను తగ్గించింది. అమెజాన్ లో పుస్తకాలు, పరికరాలు, కమ్యూనికేషన్ విభాగాలలో కోతలు ఉన్నాయి. ఈ సంస్థలన్నీ కూడా AI మరియు మిషన్-డ్రివెన్ గ్రోత్‌ను ఆశ్రయిస్తూ తమ వ్యూహాల్లో మార్పులు చేసుకుంటున్నాయి.
ఈ ఉద్యోగ కోతలు నిస్సందేహంగా వ్యక్తిగతంగా బలమైన ప్రభావాన్ని చూపిస్తున్నా, కంపెనీలు దీన్ని వ్యూహాత్మక చర్యగా చూస్తున్నాయి. టెక్ రంగం ప్రస్తుతం AI ఆధారిత మార్పులను ఆశ్రయిస్తూ ముందుకు సాగుతోంది. కానీ, ఈ మార్పులతో ఉద్యోగ భద్రత ప్రశ్నార్థకంగా మారింది.