Baby Namer: సాధారణంగా పిల్లలకు పేరు పెట్టడం తల్లిదండ్రులు, కుటుంబ సభ్యుల బాధ్యత. కానీ, అమెరికాలో ఈ పనిని ప్రొఫెషనల్ బేబీ నేమర్స్ అనే నిపుణులు చేస్తున్నారు. కొత్త పేర్లపై పరిశోధన చేయడం, వాటికి అర్థవంతమైన రూపకల్పన ఇవ్వడంలో ఉన్న ఆసక్తిని వ్యాపారంగా మార్చుకుని కోట్లు సంపాదిస్తున్న అలాంటి నిపుణులలో టేలర్ ఎ హంఫ్రీ ఒకరు.
అభిరుచే వ్యాపారంగా.. కోట్లలో ఆదాయం
పదేళ్ల క్రితం హంఫ్రీ ఈ వినూత్న వ్యాపారాన్ని ప్రారంభించారు. మొదట్లో తాను సృష్టించిన పేర్లను ఆన్‌లైన్‌లో పంచుకోగా, మంచి ఫాలోయింగ్ రావడంతో దాన్నే వృత్తిగా మలచుకుంది. ముఖ్యంగా 2021లో ప్రముఖ పత్రిక **’ది న్యూయార్కర్‌’**లో ఆమెపై కథనం రావడంతో, ఆమె బిజినెస్‌కు డిమాండ్ విపరీతంగా పెరిగింది.
ప్రస్తుతం టిక్‌టాక్, ఇన్‌స్టాగ్రామ్‌లలో లక్షకు పైగా ఫాలోవర్లు ఉన్న హంఫ్రీ, ఇప్పటివరకు 500 మందికి పైగా పిల్లలకు పేర్లు పెట్టింది. ఈ పనిని చాలామంది విమర్శించినా, తాను చేసే పని చాలా విలువైనదిగా భావిస్తున్నానని ఆమె చెబుతోంది.
పేరు పెట్టడమంటే మామూలు విషయం కాదు
హంఫ్రీ కేవలం యాదృచ్ఛికంగా పేర్లు పెట్టరు. ఇది చాలా లోతైన పరిశోధనతో కూడిన ప్రక్రియ.పేరెంట్స్ అభిరుచులు, ఇష్టాయిష్టాలు తెలుసుకోవడం.కుటుంబ వంశపారంపర్య వివరాలను సేకరించడం.తల్లిదండ్రులకు ఒక ప్రశ్నాపత్రం ఇచ్చి సమాధానాలు రాబట్టడం.
ఈ సమాచారాన్ని బట్టి, మంచి అర్థం ఉండేలా, వారి సంస్కృతి, విలువలను ప్రతిబింబించేలా పేరును డిజైన్ చేస్తుంది. ఆమె చేసే పరిశోధన స్థాయిని బట్టి ఆమె ఛార్జీలు ఉంటాయి. ఈ ఫీజు సుమారు ₹20 వేల నుంచి గరిష్టంగా రూ.25 లక్షల వరకూ ఉంటుందంటే ఈ వృత్తికి ఉన్న డిమాండ్ అర్థం చేసుకోవచ్చు. తల్లిదండ్రులు తమ పిల్లలకు అత్యుత్తమమైన, ప్రత్యేకమైన పేరు పెట్టాలని కోరుకోవడంతోనే అమెరికాలో ఇలాంటి వినూత్న వృత్తులకు డిమాండ్ పెరుగుతోంది.
