Mukesh Ambani Announces Jio IPO: భారత టెలికాం రంగంలో సంచలనాలు సృష్టించిన రిలయన్స్ జియో, ఇప్పుడు స్టాక్ మార్కెట్లలోకి అడుగుపెట్టేందుకు సిద్ధమవుతోంది. రిలయన్స్ ఇండస్ట్రీస్ వార్షిక సర్వసభ్య సమావేశంలో ఛైర్మన్ ముఖేష్ అంబానీ ఈ చారిత్రాత్మక ప్రకటన చేశారు. 2026 మొదటి అర్ధభాగంలో జియోను పబ్లిక్ లిస్టింగ్ చేయాలని లక్ష్యంగా పెట్టుకున్నట్లు ఆయన వెల్లడించారు. ఈ ప్రకటనతో పెట్టుబడిదారులలో భారీ అంచనాలు నెలకొన్నాయి.

కంపెనీ ఎంత వాటాను విక్రయించనుందో అంబానీ స్పష్టంగా చెప్పనప్పటికీ, మార్కెట్ వర్గాలు దాదాపు 10 శాతం వాటాను ఐపీఓ ద్వారా విక్రయించవచ్చని అంచనా వేస్తున్నాయి. విశ్లేషకులు జియో ఎంటర్‌ప్రైజ్ విలువను $136 బిలియన్ల నుండి $154 బిలియన్ల మధ్య అంచనా వేస్తున్నారు. ఈ వాల్యుయేషన్‌తో, ప్రపంచంలోనే ఆరవ అతిపెద్ద టెలికాం కంపెనీగా జియో అవతరించే అవకాశం ఉంది. ఇది పెట్టుబడిదారులకు ఒక అద్భుతమైన అవకాశమని అంబానీ ధీమా వ్యక్తం చేశారు.

ALSO READ: Xiaomi News: షియోమీకి ఆపిల్, శాంసంగ్ నోటీసులు.. వ్యంగ్యంగా యాడ్స్ ఆపాలని సూచన..

ప్రస్తుతం జియోకి 50 కోట్ల మందికి పైగా వినియోగదారులు ఉన్నారు. ఉచిత వాయిస్ కాల్స్, చౌక డేటాతో దేశంలో డిజిటల్ విప్లవాన్ని తీసుకొచ్చిన జియో, కేవలం పదేళ్లలోనే ఈ ఘనత సాధించింది. ప్రపంచంలోనే అత్యంత వేగంగా 5G నెట్‌వర్క్‌ను విస్తరించి, ఆర్టిఫిషియల్ ఇంటెలిజెన్స్ (AI) విప్లవానికి పునాది వేసింది. గత ఆర్థిక సంవత్సరంలో (FY25) జియో రూ. 1,28,218 కోట్ల ఆదాయాన్ని, రూ. 64,170 కోట్ల EBITDAను నమోదు చేసి తన ఆర్థిక పటిష్టతను నిరూపించుకుంది.

AI ఫర్ ఆల్..

భవిష్యత్తులో ప్రతి భారతీయుడికి, ప్రతి ఇంటికి, ప్రతి వ్యాపారానికి డిజిటల్ సేవలను అందించడమే లక్ష్యమని అంబానీ తెలిపారు. “AI ఫర్ ఆల్” (అందరికీ AI) నినాదంతో ముందుకు సాగుతూ, భారతీయ టెక్నాలజీని ప్రపంచవ్యాప్తంగా విస్తరింపజేస్తామని ఆకాష్ అంబానీ పేర్కొన్నారు. ఈ ఐపీఓ దేశీయ స్టాక్ మార్కెట్ చరిత్రలోనే ఒక మైలురాయిగా నిలిచిపోవడం ఖాయం.

ALSO READ: US Tariffs: భారత్ పై అమెరికా 50 శాతం సుంకాలు.. మోడీకి సీటీఐ లేఖ