Best Wireless Earbuds 2026: వైర్‌లెస్ ఇయర్‌బడ్స్ మార్కెట్లో రోజురోజుకూ పోటీ తీవ్రమవుతోంది. ఈ నేపథ్యంలో సామాన్యులకు సైతం హై-ఎండ్ ఫీచర్లను అందించే లక్ష్యంతో రియల్‌మీ తన సరికొత్త ‘బడ్స్ ఎయిర్ 8’ను లాంచ్ చేసింది. ఆఫీస్ పనులు, గేమింగ్, ప్రయాణం.. ఇలా ప్రతి అవసరానికి తగ్గట్టుగా రూపొందించిన ఈ బడ్స్, పెర్ఫార్మెన్స్ పరంగా యూజర్లను ఏ మేరకు ఆకట్టుకుంటున్నాయో చూద్దాం.

స్టైలిష్ డిజైన్ – కంఫర్ట్ ఫిట్టింగ్

దీని ‘స్టెమ్ స్టైల్’ డిజైన్ చాలా మోడ్రన్ లుక్‌ను ఇస్తుంది. ఇవి చాలా తేలికగా ఉండటం వల్ల గంటల తరబడి వాడుతున్నా చెవికి అస్సలు ఒత్తిడి అనిపించదు. సిలికాన్ టిప్స్ చెవిలో గట్టిగా అమరడం వల్ల వర్కౌట్స్ చేసేటప్పుడు కూడా ఇవి జారిపోవు. దీనికి తోడు IPX4 రేటింగ్ ఉండటం వల్ల చెమట, తేలికపాటి వర్షం నుండి రక్షణ లభిస్తుంది.

డ్యూయల్ డ్రైవర్ల మ్యాజిక్

ఆడియో నాణ్యత కోసం ఇందులో 6mm ట్వీటర్, 11mm వూఫర్‌తో కూడిన డ్యూయల్ డ్రైవర్ సెటప్‌ను అందించారు. దీనివల్ల పాటల్లోని బాస్ లోతుగా వినిపిస్తుంది. వోకల్స్ క్లారిటీ కూడా అద్భుతంగా ఉంది. మీరు మెలోడీలు విన్నా, హై-బీట్ సాంగ్స్ విన్నా.. ప్రతి చిన్న శబ్దం చాలా స్పష్టంగా, వినసొంపుగా ఉంటుంది.

Read Also: Natural Hair Care: జుట్టు పెరుగుదలకు నిత్యమల్లె.. ఆయుర్వేదంలో దీని ప్రాముఖ్యత ఏమిటి?

నాయిస్ క్యాన్సిలేషన్ – గేమింగ్

బయటి ప్రపంచంతో సంబంధం లేకుండా సంగీతాన్ని ఆస్వాదించాలనుకునే వారికి ఇందులోని ANC (యాక్టివ్ నాయిస్ క్యాన్సిలేషన్) ఫీచర్ బాగా ఉపయోగపడుతుంది. ఇది ట్రాఫిక్ శబ్దాలను సమర్థవంతంగా తగ్గిస్తుంది. గేమర్స్ కోసం ప్రత్యేకంగా 55ms లో లేటెన్సీ మోడ్‌ను ఇచ్చారు. దీనివల్ల గేమ్ ఆడేటప్పుడు ఆడియో సింక్ మిస్ అవ్వదు. అలాగే ఒకేసారి ఫోన్, ల్యాప్‌టాప్‌కు కనెక్ట్ అయ్యే సౌలభ్యం కూడా ఉంది.

స్మార్ట్ ఫీచర్స్ – కాల్ క్వాలిటీ

రియల్‌మీ లింక్ యాప్ ద్వారా మనకు నచ్చినట్లు ఈక్యూ (EQ) సెట్టింగ్స్ మార్చుకోవచ్చు. ఈ మోడల్‌లో ఉన్న ఏఐ ఆధారిత ‘రియల్ టైమ్ ట్రాన్స్‌లేషన్’ ఫీచర్ ఒక కొత్త అనుభూతిని ఇస్తుంది. ఇండోర్ కాల్ క్వాలిటీ కూడా చాలా క్లియర్‌గా ఉంది. ఆఫీస్ మీటింగ్స్ లేదా పర్సనల్ కాల్స్ మాట్లాడేటప్పుడు గొంతు అవతలి వారికి స్పష్టంగా వినిపిస్తుంది.

బ్యాటరీ బ్యాకప్ – చార్జింగ్

బ్యాటరీ పెర్ఫార్మెన్స్ ఈ ఇయర్‌బడ్స్‌కు అతిపెద్ద ప్లస్ పాయింట్. ANC ఆఫ్‌లో ఉంటే 13 గంటలు, చార్జింగ్ కేసుతో కలిపి మొత్తం 52 గంటల ప్లేబ్యాక్ లభిస్తుంది. కేవలం 10 నిమిషాల ఫాస్ట్ చార్జింగ్‌తో 10 గంటల బ్యాకప్ రావడం విశేషం. రూ. 3,799 ధరలో ఫీచర్లు, పనితీరును బట్టి చూస్తే ఇది ఒక బెస్ట్ ఆప్షన్ అని చెప్పవచ్చు.