SBI : కొత్త ఏడాది వేళ తమ ఖాతాదారులకు అదిరిపోయే కానుకను అందించింది దేశీ దిగ్గజ బ్యాంక్ స్టేట్ బ్యాంక్ ఆఫ్ ఇండియా (SBI). పొదుపు చేయాలనుకునే వారికి, పర్యావరణంపై మక్కువ ఉన్నవారికి ఒకేచోట అద్భుతమైన అవకాశాన్ని కల్పిస్తూ ‘గ్రీన్ రూపీ టర్మ్ డిపాజిట్’ పేరుతో సరికొత్త ఫిక్స్డ్ డిపాజిట్ స్కీమ్ను లాంచ్ చేసింది.
Union Bank : లోన్ తీసుకోవాలనుకునే వారికి పండగే.. యూనియన్ బ్యాంక్ బంపర్ ఆఫర్!
పెట్టుబడి తక్కువ.. రాబడి ఎక్కువ
సాధారణంగా ఫిక్స్డ్ డిపాజిట్లు అంటే కేవలం వడ్డీ మాత్రమే వస్తుందని అనుకుంటాం. కానీ ఎస్బీఐ తెచ్చిన ఈ కొత్త పథకం విశేషం ఏమిటంటే.. మీరు చేసే పెట్టుబడి పర్యావరణ హితమైన ప్రాజెక్టులకు ఉపయోగపడుతుంది. అంటే మీ డబ్బు సురక్షితంగా పెరగడమే కాకుండా, పరోక్షంగా పర్యావరణ పరిరక్షణకు కూడా తోడ్పడుతుందన్నమాట.
మూడు ఆకర్షణీయమైన ప్లాన్లు: ఈ స్కీమ్లో ఇన్వెస్ట్ చేయాలనుకునే వారు తమకు నచ్చిన విధంగా మూడు రకాల కాలపరిమితులను ఎంచుకోవచ్చు.
1,111 రోజులు: 6.65 శాతం వడ్డీ.
1,777 రోజులు: 6.65 శాతం వడ్డీ.
2,222 రోజులు: 6.40 శాతం వడ్డీ.
ముఖ్యంగా సీనియర్ సిటిజన్లు, ఎస్బీఐ ఉద్యోగులకు సాధారణం కంటే ఎక్కువ వడ్డీ రేట్లు లభించనున్నాయి. ప్రస్తుతం నేరుగా బ్యాంక్ బ్రాంచ్కు వెళ్లి ఈ ఖాతా తెరవవచ్చు, త్వరలోనే యోనో (YONO) యాప్లో కూడా ఈ సదుపాయం రానుంది.
అత్యవసరమైతే లోన్.. డబ్బుల్లేకపోతే ఓవర్ డ్రాఫ్ట్
ఈ పథకం కేవలం వడ్డీకే పరిమితం కాలేదు. డిపాజిట్ చేసిన వారికి ఆర్థికంగా అండగా నిలిచేందుకు లోన్ పొందే సదుపాయంతో పాటు, ఖాతాలో డబ్బులు లేనప్పుడు వాడుకునేందుకు ఓవర్ డ్రాఫ్ట్ బెనిఫిట్ను కూడా ఎస్బీఐ అందిస్తోంది. అంటే మీ ఎఫ్డీ మీకు హామీగా ఉండి, కష్టకాలంలో ఆదుకుంటుంది.
ఎవరికి ఉపయోగం?
తక్కువ రిస్క్ ఉండాలి, మంచి రాబడి రావాలి అనుకునే మధ్యతరగతి ప్రజలకు ఇది సరైన వేదిక. ఎన్ఆర్ఐలు కూడా ఇందులో పెట్టుబడి పెట్టే అవకాశం ఉండటం విశేషం. మీరు పర్యావరణ హితమైన ఆర్థిక ప్రయాణాన్ని ప్రారంభించాలనుకుంటే ఎస్బీఐ గ్రీన్ ఎఫ్డీ మీకు మంచి ఎంపిక కాగలదు.