Tata Extends Chandrasekaran Term : టాటా గ్రూప్ చరిత్రలో మరో చారిత్రక నిర్ణయం తీసుకుంది. టాటా సన్స్ ఛైర్మన్ ఎన్. చంద్రశేఖరన్‌కు మూడోసారీ పదవీ పొడిగింపు ఇచ్చారు. 2027 ఫిబ్రవరి వరకు (65 ఏళ్లు పూర్తయ్యే వరకు) ఆయన నాయకత్వం కొనసాగుతుంది. టాటా గ్రూప్ నిబంధనల ప్రకారం, ఎగ్జిక్యూటివ్‌లు 65 ఏళ్లకు రిటైర్ అవ్వాలి. 70 ఏళ్ల వరకు నాన్-ఎగ్జిక్యూటివ్‌గా కొనసాగొచ్చు. కానీ టాటా ట్రస్ట్స్ (66% షేర్లు కలిగిన) సెప్టెంబర్ సమావేశంలో ఈ నిబంధనను మినహాయించి, చంద్రశేఖరన్‌కు మూడో టర్మ్ (5 సంవత్సరాలు) ఆమోదించారు. ఇది గ్రూప్ చరిత్రలో మొట్టమొదటి సంఘటన.
ALSO READ: Peddi: రామ్‌చ‌ర‌ణ్ ఫ్యాన్స్‌కు బ్యాడ్‌న్యూస్ – దీపావ‌ళికి పెద్ది సింగిల్ లేన‌ట్లే!
చంద్రశేఖరన్ 2016 అక్టోబర్‌లో టాటా సన్స్ బోర్డులో చేరారు. 2017 జనవరిలో సైరస్ మిస్ట్రీ రెసిగ్నేషన్ తర్వాత ఛైర్మన్ అయ్యారు. 2022 ఫిబ్రవరిలో రెండో టర్మ్ పొందారు. ఇప్పుడు మూడోసారీ పొడిగింపు. గ్రూప్ వ్యూహాత్మక ప్రాధాన్యతలు, ఆర్థిక రికవరీ కారణంగా ఈ నిర్ణయం తీసుకున్నారు. చంద్రశేఖరన్ నాయకత్వంలో గత 5 సంవత్సరాల్లో గ్రూప్ ఆదాయం రెండింతలు (రూ.10.5 లక్షల కోట్లు), నికర లాభం మూడింతలు (రూ.1.5 లక్షల కోట్లు), మార్కెట్ క్యాప్ మూడింతలు పెరిగాయి. గత ఏడాది మార్కెట్ విలువ రూ.6.9 లక్షల కోట్లు తగ్గినా (TCS షేర్ నష్టం), గ్రూప్ రికవరీలో ఆయన పాత్ర కీలకం.
టాటా గ్రూప్ కొత్త రంగాల్లోకి అడుగుపెట్టింది. సెమీకండక్కర్ తయారీ, ఎలక్ట్రిక్ వెహికల్స్ (టాటా EV), ఎయిర్‌ఇండియా మెర్జర్, టాటా డిజిటల్ ఓమ్ని-ఛానల్ ప్లాట్‌ఫాం, ఎలక్ట్రానిక్స్, ఫార్మసీ, ఫ్యాషన్ కొనుగోళ్లు – ఇవన్నీ చంద్రశేఖరన్ విజన్. టాటా సన్స్ IPO (ఇప్పటికే ఆమోదం), రక్షణ, విమానయానం వృద్ధికి ఆయన నాయకత్వం అవసరమని ట్రస్టీలు భావించారు. రతన్ టాటా (2012 వరకు) తర్వాత గ్రూప్ స్థిరత్వం చంద్రశేఖరన్‌తోనే అని విశ్లేషకులు అంచనా.
ఈ నిర్ణయం మార్కెట్‌లో సానుకూల ప్రతిస్పందన పొందింది. TCS, టాటా మోటార్స్ షేర్లు 2-3% పెరిగాయి. గ్రూప్ మార్కెట్ క్యాప్ రూ.26.5 లక్షల కోట్లు. చంద్రశేఖరన్ “గ్రూప్ విజన్ కొనసాగుతుంది” అని చెప్పారు. టాటా ట్రస్టీలు “స్థిరత్వం, వృద్ధి కోసం” అని సమర్థించారు. ఈ పొడిగింపు టాటా గ్రూప్‌కు కొత్త శకాన్ని తీసుకువస్తుందని నిపుణులు అభిప్రాయపడ్డారు.
