Anasuya Bharadwaj : వెండితెర మీద, బుల్లితెర మీద తనకంటూ ఒక ప్రత్యేక సామ్రాజ్యాన్ని సృష్టించుకున్న నటి అనసూయ భరద్వాజ్. కేవలం గ్లామర్ పాత్రలకే పరిమితం కాకుండా, ‘రంగస్థలం’ లోని రంగమ్మత్తగా, ‘పుష్ప’ లోని దాక్షాయణిగా వైవిధ్యమైన నటనతో ప్రేక్షకులను మెప్పించిన ఆమెకు సోషల్ మీడియాలో విపరీతమైన ఫ్యాన్ ఫాలోయింగ్ ఉంది. అయితే, తాజాగా ఒక వీరాభిమాని ఆమెపై ఉన్న ఇష్టంతో చేసిన ప్రకటన ఇప్పుడు టాలీవుడ్లో సెన్సేషన్గా మారింది.
Budget 2026: పాత పన్ను విధానానికి గుడ్ బై? వేతన జీవులకు కొత్త రూల్స్
అనసూయకు గుడి కడతాం.. : అనసూయపై ఉన్న అభిమానాన్ని చాటుకుంటూ మురళీశర్మ అనే ఒక పూజారి సంచలన వ్యాఖ్యలు చేశారు. గతంలో తమిళనాడులో స్టార్ హీరోయిన్ ఖుష్బూకు అభిమానులు గుడి కట్టిన తరహాలోనే, ఇప్పుడు తెలుగు గడ్డపై అనసూయకు కూడా ఆలయం నిర్మించాలని తాను భావిస్తున్నట్లు ఆయన వెల్లడించారు. ఒక నటిపై ఈ స్థాయిలో భక్తిని చాటుకోవడం ఇప్పుడు సోషల్ మీడియాలో చర్చనీయాంశంగా మారింది.
అనుమతి కోసం నిరీక్షణ: గుడి కట్టాలనే నిర్ణయం కేవలం మాటలకే పరిమితం కాదని, దీని కోసం పక్కా ప్లాన్తో ఉన్నట్లు మురళీశర్మ తెలిపారు. “దీని కోసం మేము రాష్ట్ర ప్రభుత్వ అనుమతితో పాటు, స్వయంగా అనసూయ గారి పర్మిషన్ కూడా తీసుకుంటాం. ఆమె అంగీకరిస్తే వెంటనే ఆలయ నిర్మాణ పనులు ప్రారంభిస్తాం” అని ఆయన ఒక ఇంటర్వ్యూలో ధీమా వ్యక్తం చేశారు. కేవలం నటిగానే కాకుండా, ఆమె వ్యక్తిత్వం అంటే తనకు ఎంతో గౌరవమని ఆయన పేర్కొన్నారు.
Vivo T4 Lite 5G: కేవలం రూ.10,499 ధరకే 6000mAh బ్యాటరీ, 50MP కెమెరాతో వివో T4 లైట్ 5G
వివాదాల్లోనూ అనసూయకే మద్దతు : ఇటీవల కాలంలో నటుడు శివాజీ , అనసూయ మధ్య జరిగిన కొన్ని వివాదాస్పద చర్చల విషయంలో కూడా మురళీశర్మ అనసూయ వైపునే నిలిచారు. ఆ వివాదంలో ఆమె చేసిన వ్యాఖ్యల్లో తప్పేమీ లేదని, ఆమె ఎప్పుడూ ఉన్నది ఉన్నట్లుగా మాట్లాడుతుందని ఆయన సమర్థించారు. కష్టాల్లో ఉన్నా, విమర్శలు ఎదురైనా ధైర్యంగా నిలబడే ఆమె గుణం తనకు నచ్చిందని ఆయన చెప్పుకొచ్చారు.
నెట్టింట వైరల్.. : ఒక అభిమాని ఏకంగా గుడి కడతానని బహిరంగంగా ప్రకటించడంపై నెటిజన్లు రకరకాలుగా స్పందిస్తున్నారు. కొంతమంది దీన్ని అతిగా భావిస్తుంటే, మరికొందరు ఆమె క్రేజ్ అటువంటిదని కామెంట్స్ చేస్తున్నారు. అయితే, తనపై వచ్చే విమర్శలకైనా, పొగడ్తలకైనా చాలా బోల్డ్గా సమాధానం ఇచ్చే అనసూయ.. ఈ ‘గుడి’ ప్రతిపాదనపై ఎలా స్పందిస్తుందనేది ఇప్పుడు ఆసక్తికరంగా మారింది. ఆమె ఈ ప్రతిపాదనను సున్నితంగా తిరస్కరిస్తుందా లేక తనదైన శైలిలో కౌంటర్ ఇస్తుందా అని అభిమానులు ఎదురుచూస్తున్నారు.