Hollywood Walk Of Fame 2026: బాలీవుడ్ నుంచి హాలీవుడ్ వరకు తన నటనతో, గ్లామర్‌తో కోట్లాది మంది అభిమానుల్ని సొంతం చేసుకున్న బాలీవుడ్ బ్యూటీ దీపికా పదుకొనె ఇప్పుడు ఓ అరుదైన, అత్యద్భుతమైన గౌరవాన్ని అందుకున్నారు. ఇండస్ట్రీలోకి అడుగుపెట్టినప్పటి నుంచే బ్యాక్ టూ బ్యాక్ హిట్స్‌తో తనకంటూ ఒక ప్రత్యేకమైన గుర్తింపును తెచ్చుకున్న ఆమె, తాజాగా మరో అరుదైన మైలురాయిని చేరుకున్నారు. తన నటనతో పాటు, అప్పుడప్పుడూ ఇచ్చే స్పీచుల‌తో కూడా ప్రేక్షకులను మంత్రముగ్ధులను చేసే దీపికా, ప్రస్తుతం టాక్ ఆఫ్ ది టౌన్‌గా మారారు. ఆమె హాలీవుడ్ వాక్ ఆఫ్ ఫేమ్ స్టార్ 2026కు ఎంపికయ్యారు. ఇది మామూలు విషయం కాదు, ఎందుకంటే ఈ అరుదైన గౌరవాన్ని అందుకున్న మొట్టమొదటి భారతీయ నటి దీపికా పదుకొనెనే కావడం నిజంగా గొప్ప విషయం.
హాలీవుడ్ ఛాంబర్ ఆఫ్ కామర్స్ అధికారికంగా ఈ శుభవార్తను ప్రకటించింది. మోషన్ పిక్చర్స్ విభాగంలో ఆమె ఈ చారిత్రాత్మక ఘనతను సొంతం చేసుకున్నారు. 2026 సంవత్సరానికి గాను మొత్తం 35 మంది అద్భుతమైన ప్రతిభావంతులను ఎంపిక చేయగా, వారిలో దీపికా పేరు కూడా ఉండటం నిజంగా గర్వకారణం. వినోద రంగంలో ఆమె చేసిన అపారమైన, నిరుపమానమైన కృషికి గుర్తింపుగా ఈ స‌న్మానం దక్కింది. డెమి మూర్, ఎమిలీ బ్లంట్, రాచెల్ మెక్ఆడమ్స్, స్టాన్లీ టక్కీ వంటి హాలీవుడ్ దిగ్గజాలతో పాటు దీపికా పేరు కూడా ఈ ప్రతిష్టాత్మక లిస్ట్‌లో ఉండటంతో ఆమె ఫ్యాన్స్ మాత్రమే కాదు, యావత్ భారతీయ సినీ అభిమానులు కాలర్ ఎగరేస్తున్నారు.
దీపికా ప్రస్థానం చూస్తే, 2006లో ఇండస్ట్రీలోకి అడుగుపెట్టి, అనతి కాలంలోనే స్టార్‌డమ్‌ను అందుకున్నారు. 2017లో హాలీవుడ్‌లోకి కూడా ఎంట్రీ ఇచ్చి తన అంతర్జాతీయ మార్క్‌ను చూపించారు. కేవలం సినిమాలతోనే కాదు, ఆమె ప్రభావం అంతర్జాతీయ స్థాయిలో అగ్రస్థానంలో ఉంది. 2018లో టైమ్స్ మ్యాగజైన్ విడుదల చేసిన 100 అత్య‌ధికంగా ప్ర‌భావితం చేసిన వ్య‌క్తుల జాబితాలో ఆమె చోటు దక్కించుకుని రేంజ్‌ను చాటుకున్నారు. 2022లో ఏకంగా ఫిఫా వరల్డ్ కప్‌ను ఆవిష్కరించి ప్రపంచాన్ని తనవైపు తిప్పుకున్నారు. ఆ తర్వాత 2023లో జరిగిన అకాడమీ అవార్డుల వేదికలో బ్లాక్‌బస్టర్ ‘ఆర్ఆర్ఆర్’ సినిమాలోని ‘నాటు నాటు’ సాంగ్‌ను ప్రపంచవ్యాప్త ఆడియన్స్‌కు పరిచయం చేసి మరోసారి తన సత్తా చాటారు.
ప్రస్తుతం దీపికా చేతిలో బడా ప్రాజెక్టులున్నాయి. ఐకాన్ స్టార్ అల్లు అర్జున్, సెన్సేషనల్ డైరెక్టర్ అట్లీ కాంబినేషన్‌లో తెరకెక్కుతున్న సినిమాలో హీరోయిన్‌గా నటిస్తున్నారు. అటు పాన్ ఇండియా స్టార్ ప్రభాస్ హీరోగా రానున్న మోస్ట్ అవైటెడ్ మూవీ ‘కల్కి 2’ సినిమాలో కూడా దీపికా ఓ కీలక పాత్ర పోషిస్తున్నారు. ఇలాంటి అద్భుతమైన, విజయవంతమైన జర్నీలో హాలీవుడ్ వాక్ ఆఫ్ ఫేమ్ స్టార్ లాంటి అత్యున్నత గౌరవం దక్కడం ఆమె అకుంఠిత కృషికి, అద్భుతమైన ప్రతిభకు, గ్లోబల్ ఇమేజ్‌కు తిరుగులేని నిదర్శనం. దీపికా పదుకొనె ఈ చారిత్రాత్మక ఘనతతో భారతీయులందరి తల గర్వంగా ఎత్తేలా చేశారు! ఇది కచ్చితంగా ఇండియన్ సినిమాకు ఒక బిగ్గెస్ట్ మైలురాయి.