నటసింహం బాలకృష్ణ(Balakrishna) నటించిన ‘డాకు మహారాజ్’(Daaku Maharaaj)సినిమా బాక్సాఫీస్ వద్ద కలెక్షన్ల వర్షం కురిపిస్తోంది. సినిమాలో బాలయ్య డైలాగ్స్, యాక్షన్ సీక్వెన్స్, థమన్ బీజీఎం గూస్ బంప్స్ తెప్పిస్తున్నాయి. సరికొత్త అవ‌తారంలో బాలయ్య క‌నిపించ‌డంతో ప్రేక్ష‌కులు ఈ చిత్రానికి బ్ర‌హ్మ‌ర‌థం ప‌డుతున్నారు. నాలుగు రోజుల్లో ఈ చిత్రం రూ.105 కోట్ల గ్రాస్ క‌లెక్ష‌న్లు సాధించినట్లు మూవీ యూనిట్ ఓ పోస్ట‌ర్ ద్వారా తెలియ‌జేసింది. దీంతో బాలయ్య అభిమానులు ఎంతో సంతోషంగా ఉన్నారు.
కాగా ప్రపంచవ్యాప్తంగా తొలిరోజు రూ.56 కోట్లు వసూలు చేసి బాలయ్య కెరీర్‌లోనే అత్యధిక వసూళ్లు రాబట్టిన చిత్రంగా ఈ మూవీ నిలిచింది. సంక్రాంతి సెల‌వులు కొన‌సాగుతున్న నేప‌థ్యంలో ఈ చిత్రం భారీ వ‌సూళ్ల‌ను రాబ‌ట్టే అవ‌కాశం ఉంది. మరో రెండు, మూడు రోజుల్లో ఈ చిత్రం బ్రేక్ ఈవెన్‌కు చేరుకుంటుందని సినీ విశ్లేష‌కులు చెబుతున్నారు. ఈ చిత్రంతో వరుసగా నాలుగు రూ.100కోట్ల మూవీలు రాబట్టిన సీనియర్‌ హీరోగా బాలకృష్ణ రికార్డు సృష్టించారు. అంతకుముందు అఖండ, వీరసింహా రెడ్డి, భగవంత్ కేసరి సినిమాలు రూ.100 కోట్లకు పైగా వసూళ్లు చేశాయి.
