నట సింహం నందమూరి బాలకృష్ణ(Nandamuri Balakrishna) హీరోగా, దర్శకుడు బాబీ కలయికలో తెరకెక్కుతోన్న చిత్రం ‘డాకు మహారాజ్‌’ (Daaku Maharaaj). సితార ఎంటర్‌టైన్‌మెంట్స్‌ బ్యానర్‌పై నాగవంశీ నిర్మిస్తున్న ఈ చిత్రంలో శ్రద్ధా శ్రీనాథ్, ప్రగ్యా జైస్వాల్‌ హీరోయిన్లగా నటిస్తుండగా.. బాబీ డియోల్, చాందిని చౌదరి ముఖ్య పాత్రలు పోషిస్తున్నారు. ఇప్పటికే ఈ సినిమా నుంచి విడుదలైన పోస్టర్లు, టీజర్లు, పాటలు అభిమానులను ఆకట్టుకున్నాయి..
తాజాగా ఈ సినిమా నుంచి ‘దబిడి దిబిడి’ అంటూ సాగే పాటను మేక‌ర్స్ విడుదల చేశారు. ఇప్పటికే విడుదలైన రెండు పాటలు అభిమానులను ఆక‌ట్టుకోగా, ఈ మూడో సాంగ్ కూడా అదిరిపోయేలా ఉంది. ఈ పాట‌లో బాలయ్యకు జోడీగా బాలీవుడ్ నటి ఊర్వశి రౌతెలా కనిపించింది. ఈ పాటకు ప్రముఖ గీత రచయిత కాసర్ల శ్యామ్ లిరిక్స్‌ అందించగా.. వాగ్దేవి అలపించారు. ప్రముఖ సంగీత దర్శకుడు థమన్‌ సంగీతం అందించారు. కాగా సంక్రాంతి కానుకగా జనవరి 12న ఈ సినిమా విడుదల కానుంది.
