నటసింహం నందమూరి బాలకృష్ణ(Nandamuri Balakrishna), దర్శకుడు బాబీ కలయికలో తెరకెక్కిన చిత్రం ‘డాకు మహారాజ్‌’ (Daaku Maharaaj). సితార ఎంటర్‌టైన్‌మెంట్స్‌ బ్యానర్‌పై నాగవంశీ నిర్మిస్తున్న ఈ చిత్రంలో శ్రద్ధా శ్రీనాథ్, ప్రగ్యా జైస్వాల్‌ హీరోయిన్లగా నటిస్తుండగా.. బాబీ డియోల్, చాందిని చౌదరి ముఖ్య పాత్రలు పోషిస్తున్నారు. ఇప్పటికే ఈ సినిమా నుంచి విడుదలైన పోస్టర్లు, టీజర్లు, పాటలు అభిమానులను ఆకట్టుకున్నాయి.
ఇటీవల ఓ ట్రైలర్‌ను విడుదల చేసిన మేకర్స్.. తాజాగా మరో ట్రైలర్(Daaku Maharaaj Trailer) విడుదల చేశారు. ఈ ట్రైలర్ బాలయ్య మార్క్ డైలాగులతో అదిరిపోయింది. ‘‘ఎవరైనా చదవడంలో మాస్టర్స్‌ చేస్తారేమో.. నేను చంపడంలో చేశా’’ అంటూ బాలకృష్ణ పేల్చిన డైలాగ్స్‌ దుమ్మురేపాయి. ఇక థమన్ అందించిన నేపథ్య సంగీతం ప్రధాన ఆకర్షణగా నిలిచాయి. కాగా సంక్రాంతి కానుకగా జనవరి 12న ఈ సినిమా విడుదల కానుంది.
