విలక్షణ దర్శకుడు రామ్ గోపాల్ వర్మ(RGV) తాజాగా తెరకెక్కిస్తున్న మూవీ ‘శారీ'(SAREE MOVIE). గిరి కృష్ణకమల్ దర్శకత్వంలో,ఆర్జీవీ-ఆర్వి ప్రొడక్షన్స్ LLP బ్యానర్‌పై ప్రముఖ వ్యాపారవేత్త రవి శంకర్ వర్మ ఈ చిత్రాన్ని నిర్మిస్తున్నారు. పాన్ ఇండియా మూవీగా తెలుగు, హిందీ, తమిళ, మరియు మళయాళ భాషల్లో ఈ చిత్రాన్ని విడుదల చేయనున్నారు. సత్య యాదు, ఆరాధ్య దేవి హీరో హీరోయిన్లుగా నిజజీవిత సంఘటనల ఆధారాలతో సైకలాజికల్ థ్రిల్లర్‌గా ‘శారీ’ మూవీ రూపొందుతోంది. స
ఇప్పటికే ఈ మూవీ నుంచి విడుదలైన పోస్టర్లు, పాటలు సినిమాపై హైప్ పెంచాయి. తాజాగా ‘ఎగిరే గువ్వలాగా’ ‘ అంటూ సాగే లిరికల్ వీడియో సాంగ్ విడుదల చేసారు. రాకేష్ పనికెళ్ళ సంగీతం అందించడంతో పాటు సాహిత్యం కూడా అందించారు. ఇక పాటను సింగర్ సాయి చరణ్ పాడారని ఆర్జీవీ తెలిపారు.
నిర్మాత రవి శంకర్ వర్మ మాట్లాడుతూ “మా ‘శారీ’ చిత్రంలోని తొలి లిరికల్ సాంగ్ ఇటివల విడుదల చేసిన ‘ఐ వాంట్ లవ్’ కి విశేష స్పందన లభించింది. ఈ రోజు సెకండ్ లిరికల్ సాంగ్ ‘ఎగిరే గువ్వలాగా…’ రిలీజ్ చేసాము. ఇంకా హిందీ, తమిళ, మరియు మళయాళ భాషల్లో కూడా ఈ రోజే ఈ సెకండ్ లిరికల్ సాంగ్ విడుదల చేసాము. ప్రస్తుతం సెన్సార్ కార్యక్రమాలు జరుగుతున్నాయ్, కొన్ని అనివార్య కారణాల వలన విడుదల ఆలస్యం అయింది త్వరలోనే విడుదల తేది ప్రకటిస్తాము” అన్నారు.
బ్యానర్ : ఆర్జీవీ – ఆర్వీ ప్రొడక్షన్స్ LLP
నటీనటులు : సత్యా యాదు, ఆరాధ్య దేవి, సాహిల్ సంభవాల్, అప్పాజీ అంబరీష్, మరియు కల్పలత తదితరులు
సినిమాటోగ్రఫీ : శబరి,
మ్యూజిక్ :రాకేశ్ పనికెళ్ళ,
పాట రచన, బాణీ :రాకేశ్ పనికెళ్ళ,
నిర్మాత : రవి శంకర్ వర్మ,
దర్శకత్వం : గిరి కృష్ణ కమల్
