Game Changer| గ్లోబ‌ల్ స్టార్‌ రామ్ చరణ్(Ram Charan), దిగ్గజ ద‌ర్శ‌కుడు శంక‌ర్(Shankar) కాంబినేష‌న్‌లో వ‌స్తున్న కొత్త చిత్రం ‘గేమ్ ఛేంజర్’. ఇప్పటికే ఈ మూవీ నుంచి విడుద‌లైన పాటలు, టీజర్ మూవీపై భారీగా అంచనాలు పెంచేశాయి. తాజాగా మరో పాటను మేకర్స్ విడుదల చేశారు. ‘దోప్’(Dhop) అంటూ సాగే ఈ సాంగ్‌ను డల్లాస్‌లో జరిగిన ప్రీరిలీజ్‌ వేడుక సందర్భంగా రిలీజ్ చేశారు. ఈ పాటలో చెర్రీ, కియారాల డ్యాన్స్ ఆకట్టుకుంటోంది. ఈ పాటకు రామజోగయ్యశాస్త్రి సాహిత్యం అందించగా.. థమన్, రోషిణి జేకేవీ, పృథ్వీ, శ్రుతి రంజని ఆలపించారు.
ఇప్పటివరకు మూవీ నుంచి వచ్చిన ‘జ‌ర‌గండి’, ‘రా మ‌చ్చా’, ‘నానా హైరానా’ పాటలు ఆడియన్స్‌ని మెప్పించాయి. ప్ర‌ముఖ నిర్మాణ సంస్థ శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై దిల్ రాజు ఈ సినిమాను భారీ బడ్జెట్‌తో నిర్మించారు. ఎస్ఎస్ థమన్ బాణీలు అందించిన ఈ మూవీలో అంజలి, సునీల్, సముద్రఖని, ఎస్‌జే సూర్య, నవీన్ చంద్ర త‌దిత‌రులు కీలక పాత్రల్లో న‌టించారు. కాగా ఈ చిత్రం సంక్రాంతి కానుక‌గా 2025 జనవరి 10న ప్రేక్ష‌కుల ముందుకు రానుంది. ఈ సినిమా కోసం మెగా అభిమానులు ఎంతో ఆస‌క్తిగా ఎదురుచూస్తున్నారు.
