Game Changer| గ్లోబ‌ల్ స్టార్‌ రామ్ చరణ్(Ram Charan), దిగ్గజ దర్శకుడు శంక‌ర్(Shankar) కాంబినేష‌న్‌లో వ‌స్తున్న కొత్త చిత్రం ‘గేమ్ ఛేంజర్’. ఇప్పటికే ఈ మూవీ నుంచి విడుద‌లైన రెండు పాటలు, టీజర్ మూవీపై భారీగా అంచనాలు పెంచేశాయి. తాజాగా మూడో పాటను (Game Changer Third Single) మేకర్స్ విడుదల చేశారు. ‘నానా హైరానా’ (NaaNaa Hyraanaa) అంటూ సాగే ఈ పాటను ప్రముఖ గాయకులు కార్తీక్, శ్రేయా ఘోషల్ ఆలపించారు. రామజోగయ్య శాస్త్రి సాహిత్యం అందించిన ఈ పాటకు ప్రముఖ దర్శకుడు థమన్ సంగీతం అందించారు. ఈ పాటలో చెర్రీ, కియారా అద్వానీ రొమాన్స్ అదిరిపోయింది.
ఇప్పటివరకు మూవీ నుంచి వచ్చిన ‘జ‌ర‌గండి’, ‘రా మ‌చ్చా’… మాస్ ఆడియన్స్‌ని మెప్పించగా ఇప్పుడు మెలోడీ పాట ఏ రేంజ్‌లో ఆకట్టుకుంటుందో చూడాలి. ప్రముఖ నిర్మాణ సంస్థ శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై దిల్ రాజు ఈ సినిమాను భారీ బడ్జెట్‌తో నిర్మించారు. ఎస్ఎస్ థమన్ బాణీలు అందించిన ఈ మూవీలో అంజలి, సునీల్, సముద్రఖని, ఎస్‌జే సూర్య, నవీన్ చంద్ర త‌దిత‌రులు కీలక పాత్రల్లో న‌టించారు. కాగా ఈ చిత్రం సంక్రాంతి కానుక‌గా 2025 జనవరి 10న ప్రేక్ష‌కుల ముందుకు రానుంది. ఈ సినిమా కోసం మెగా అభిమానులు ఎంతో ఆస‌క్తిగా ఎదురుచూస్తున్నారు.
