Avatar 2: kadedee లీకేజీకి అనర్హం అన్నట్లుగా ఉన్నారు లీక్ రాయుళ్లు. అవతార్ అయితేమీ తెర మీద బొమ్మ పడదా.. అక్కడ నుండి లీక్ కాదా అన్నట్లు.. సినిమా ఇంకా రిలీజ్ కాకముందు ప్రివ్యూల నుండే లీకై ఇంటర్నెట్ లో షో వేసేశారు. ప్రముఖ హాలీవుడ్ డైరెక్టర్ జేమ్స్ కేమరూన్ ప్రతిష్టాత్మకంగా తెరకెక్కించిన అవతార్ 2 సినిమా విడుదలకు ముందే ఆన్‌లైన్‌లో లీకైంది. టెలిగ్రామ్ వేదికగా ఈ సినిమా రిలీజ్‌కు ముందే ప్రత్యక్షమైంది.
అవతార్-2 ప్రపంచ వ్యాప్తంగా డిసెంబరు 16న ప్రేక్షకుల ముందుకు రానున్న సంగతి తెలిసిందే. భారత్‌లో కూడా ఈ సినిమా ప్రభావం గట్టిగా ఉంది. ఇప్పటికే భారీ స్థాయిలో టికెట్ బుకింగ్స్ చేసుకున్నారు సినీ ప్రియులు. మల్టిప్లెక్సుల్లో ఈ సినిమా రికార్డు స్థాయిలో అడ్వాన్సెడ్ బుకింగ్స్ క్రియేట్ చేసింది. ఎన్నో అంచనాల నడుమ శుక్రవారం విడుదల కాబోతున్న తరుణంలో ఈ మూవీ టీమ్‌కు భారీ షాక్ తగిలింది. విడుదలకు ముందే ఈ సినిమా ఆన్‌లైన్‌లో దర్శనమిచ్చింది.
‘అవతార్-2’.. టొరెంట్‌ సైట్లలో, టెలిగ్రామ్ యాప్‌లో దర్శనమిస్తుంది. ఈ భారీ బడ్జెట్‌ హాలీవుడ్ సినిమా భారత్‌లో తెలుగు సహా ఆరు భాషల్లో శుక్రవారం రిలీజ్ కానుంది. అయితే గురువారమే ఇంటర్నెట్ లో ప్రత్యక్షమైంది. ఇది వివిధ సైజుల్లో, క్వాలిటీలో ఉంది. ఆన్‌లైన్‌లో మూవీరూల్జ్‌, తమిళ్‌రాకర్స్‌, తమిళ్‌ఎంవీ, తమిళ్‌యోగి వంటి సైట్లలో ఫుల్ మూవీ కనిపిస్తుంది. ఇండియాతో పాటు అమెరికా, యూకే, చైనా, జపాన్‌ దేశాల్లో శుక్రవారమే విడుదలవుతున్న ఈ సినిమా బుధ, గురువారాల్లో ప్రపంచవ్యాప్తంగా పలు దేశాల్లో విడుదలైంది. అక్కడ నుండి లీకై ఇంటర్నెట్ లో ప్రత్యక్షమైంది.