రిలీజ్ అయి, బాక్సాఫీస్ కొల్లగొట్టిన సినిమాలను మళ్లీ రీ రిలీజ్ పేరుతో థియేటర్స్ లోకి తేవటం ట్రెండ్ గా మారిన నేపథ్యంలో బాలయ్య సినిమా లెజెండ్ మళ్లీ రిలీజ్ అయింది. ఓవైపు ఎన్నికలు, మరోవైపు బాలయ్య సినిమా అంటే ఉండే ఊపు రెండింటి నేపథ్యంలో లెజండ్ సినిమా రిజల్ట్ ఎలా ఉంటుందనేది ఆసక్తిగా మారింది.
10 ఏళ్ల తరువాత ఈ బ్లాక్ బస్టర్ రిలీజ్ కావటంతో ఇప్పుడు విజయ్ దేవరకొండ, జొన్నల గడ్డ సినిమాల రిలీజ్ టైంలో బాలయ్య సినిమా రిజల్ట్ ఎలా ఉంటుందనేది కాస్త ఎక్కువ ఆసక్తి రేకెత్తిస్తోంది. కాగా లెజెండ్ సినిమా రీ రిలీజ్ ట్రైలర్ విడుదల చేసి, దానిపై ప్రమోషన్స్ కూడా నిర్వహిస్తుండటం కాస్త హైప్ గానే ఉందని సినిమా పండిట్ల టాక్ జోరుగా సాగుతోంది.
పోకిరి, ఖుషి, ఆరెంజ్, మగధీర, గుడుంబా శంకర్, శంకర్ దాదా ఎంబీబీఎస్ వంటి చాలా తెలుగు సినిమాలతోపాటు తమిళ భాషలోని సూపర్ హిట్స్ కూడా రీ రిలీజ్ కాగా కొన్ని కాస్త ఎక్కువగానే నిరాశపరిచాయి. ఈనేపథ్యంలో లెజెండ్ కలెక్షన్స్ సహజంగానే అందరినీ ఆకట్టుకుంటోంది.
ఎంతైనా బాలయ్య, బోయపాటి కాంబినేషన్ అంటే అది రీ రిలీజ్ అయినా మాస్ కు పండగే అని ఫిలిం పండిట్స్ చెబుతున్నారు.
