• నవంబర్ 27న వరల్డ్ వైడ్ గ్రాండ్ థియేట్రికల్ రిలీజ్

నేషనల్ క్రష్ రష్మిక మందన్న తన కెరీర్‌లో ప్రతిష్టాత్మక పాన్-ఇండియా యాక్షన్ డ్రామా ‘మైసా’లో నటిస్తున్నారు. ఇందులో గోండ్ గిరిజన మహిళ పాత్ర పోషిస్తున్న రష్మిక , ఆ పాత్రలో ఒదిగిపొవడానికి తీవ్రంగా ప్రయత్నిస్తున్నారు. రవీంద్ర పుల్లె దర్శకత్వంలో అన్‌ఫార్ములా ఫిల్మ్స్ నిర్మిస్తున్నఈ చిత్రం ఇప్పటికే ఆకట్టుకునే ఫస్ట్ గ్లింప్స్‌తో ఆసక్తిని రేకెత్తించింది. తాజాగా మేకర్స్ రిలీజ్ డేట్‌ను అధికారికంగా ప్రకటించారు. నవంబర్ 27, 2026న ప్రపంచవ్యాప్తంగా గ్రాండ్‌గా థియేటర్లలోకి రానుంది. తెలుగు, హిందీ, తమిళ, కన్నడ, మలయాళ భాషల్లో ఏకకాలంలో విడుదల కానుంది. ఇక రిలీజ్ డేట్ పోస్టర్‌లో రష్మిక ఒక పెద్ద ఈటె పట్టుకుని నిలబడి ఉండగా, ఆమె ముఖంపై యుద్ధ గాయాలు కనిపిస్తాయి. ఆమె వెనుక భారీ జనసమూహం, మండుతున్న పరిసరాలు ఇంటెన్స్ గా ఉన్నాయి. ఈ పోస్టర్‌కు స్ట్రాంగ్ పీరియడ్-యాక్షన్ లుక్ ఇస్తుంది. భారీ స్థాయిలో తెరకెక్కుతున్న ఈ చిత్రం కొత్త బెంచ్‌మార్క్‌లను క్రియేట్ చేసేలా హై-ఆక్టేన్ స్టంట్ కొరియోగ్రఫీతో రూపొందుతోందని మేకర్స్ తెలిపారు. అడ్రినలిన్-పంపింగ్ అనుభూతిని అందించేలా సినిమాను మలుస్తున్నామని, ఫిమేల్ లీడ్ సినిమాలకే కాకుండా భారతీయ యాక్షన్ జానర్ ని కొత్త స్థాయికి తీసుకెళ్లేలా ఈ చిత్రాన్ని తెరకెక్కిస్తున్నామని వారు స్పష్టం చేశారు. ఇటీవల సెట్స్‌లో గాయపడిన రష్మిక మందన్న తన పాత్ర కోసం అంకితభావం, పట్టుదలను చూపించారు. కోలుకున్న తర్వాత త్వరలోనే ఆమె తిరిగి షూటింగ్‌లో పాల్గొని చివరి దశ షూటింగ్‌ను పూర్తి చేయనున్నారు. ప్రస్తుతం ఇంకా 12 రోజుల షూటింగ్ మాత్రమే మిగిలి ఉందని మేకర్స్ పేర్కొన్నారు. మరోవైపు పోస్ట్ ప్రొడక్షన్ పనులు కూడా శరవేగంగా జరుగుతున్నాయి. అద్భుతమైన విజువల్ స్పెక్టకిల్‌ను అందించేందుకు అడ్వాన్స్‌డ్ వీఎఫ్‌ఎక్స్ పనులు పూర్తి స్థాయిలో జరుగుతున్నాయని మేకర్స్ వివరించారు. దీనికి పవర్‌ఫుల్, పల్స్-పౌండింగ్ ఒరిజినల్ స్కోర్ మరింత బలాన్ని చేకూర్చనుంది. ఈ చిత్రంలో ఈశ్వరి రావు, గురు సోమసుందరం, రావు రమేష్ కీలక పాత్రలు పోషిస్తున్నారు. సినిమాటోగ్రఫీ: శ్రేయాస్ పి. కృష్ణ, సంగీతం: జేక్స్ బెజోయ్, యాక్షన్ కొరియోగ్రఫీ: ఆండీ లాంగ్.