మాస్ కా దాస్ విశ్వక్ సేన్‌ (Vishwak Sen) హీరోగా రవితేజ ముళ్లపూడి దర్శకత్వంలో నటించిన సినిమా ‘మెకానిక్ రాకీ’ (Mechanic Rocky). ఇందులో మీనాక్షీ చౌదరి (Meenakshi Chaudhary), శ్రద్ధా శ్రీనాథ్‌ హీరోయిన్లగా నటించగా.. నటుడు సునీల్‌ విలన్‌గా కనిపించనున్నారు. ఈ చిత్రాన్ని SRT ఎంటర్‌టైన్‌మెంట్స్ బ్యానర్ మీద రామ్ తాళ్లూరి నిర్మిస్తున్నాడు. ఇప్పటికే ఈ మూవీ నుంచి విడుదలైన పోస్టర్లు, టీజర్, లిరికల్ సాంగ్స్ మూవీపై అంచనాలు పెంచేశాయి. నవంబరు 22న ప్రేక్షకుల ముందుకు రానున్న ఈ సినిమా రెండో ట్రైలర్‌ని చిత్ర బృందం విడుదల చేసింది. నెల రోజుల క్రితం ఈ సినిమా మొదటి ట్రైలర్‌ను రిలీజ్ చేశారు.
కాగా ఇటీవల వరంగల్‌లో ప్రీరిలీజ్ ఈవెంట్ గ్రాండ్‌గా నిర్వహించిన సంగతి తెలిసిందే. ఈ ఈవెంట్‌లో విశ్వక్ చేసిన వ్యాఖ్యలు సోషల్ మీడియాలో వైరల్‌ మారాయి. ఇదిలా ఉంటే విశ్వక్ నటించిన గత సినిమాలు ఆశించిన స్థాయిలో విజయం అందుకోలేదు. మరి ఈ సినిమాతో అయినా హిట్ కొడతాడో లేదో తెలియాలంటే నవంబర్ 22వరకు ఆగాల్సిందే.