Nikhil| టాలీవుడ్ యువ హీరో నిఖిల్ హీరోగా ఇటీవల నటించిన చిత్రం ‘అప్పుడో ఇప్పుడో ఎప్పుడో’(Appudo Ippudo Eppudo). ఈ చిత్రంలో నిఖిల్ సరసన యంగ్ బ్యూటీస్ రుక్మిణీ వసంత్, దివ్యాంశ కౌశిక్ నటించారు. సుధీర్‌ వర్మ దర్శకత్వంలో తెరకెక్కిన ఈ చిత్రం నవంబర్ 8న థియేటర్లలో విడుదలైంది. అయితే ఈ సినిమా అభిమానులను ఆశించినంతగా ఆకట్టులేకపోయింది. దీంతో 20 రోజులకే ఓటీటీలోకి వచ్చేసింది. ఎలాంటి ప్రమోషన్లు లేకుండా థియేటర్లలోకి వచ్చిన ఈ మూవీ.. ఓటీటీ ఫ్లాట్ ఫాంలో కూడా సైలెంట్‌గా స్ట్రీమింగ్ అవుతోంది. అమెజాన్ ప్రైమ్ వీడియో వేదికగా అర్థరాత్రి 12 గంటల నుంచి ప్రేక్షకులకు అందుబాటులో ఉంది. రిషి, తారల ప్రేమకథను చూసేయండి అంటూ ఈ విషయాన్ని అమెజాన్ అధికారికంగా తెలియజేసింది.
కథేంటంటే:
రేసర్ కావాలనేది హీరో రిషి (నిఖిల్) కల. రేసర్ కావాలన్న తన లక్ష్యం కోసం లండన్ చేరుకుంటాడు. ట్రైనింగ్ తీసుకుంటూనే పార్ట్ టైమ్‌ పని చేస్తుంటాడు. ఈ క్రమంలో తులసి(దివ్యాంశ కౌశిక్) పరిచయం అవుతుంది. ఆమెతో ప్రేమలో పడతాడు. పెళ్లి కూడా చేసుకోవడానికి రెడీ అవుతున్న సమయంలో తులసి కనిపించకుండా పోతుంది. అసలు తులసి ఎవరు..?ఆమె ఎక్కడికి వెళ్లింది..? ఆమె కోసం వెతుకుతున్న క్రమంలో రిషికి ఎలాంటి విషయాలు తెలిశాయి..? రిషి హైదరాబాద్‌లో ప్రేమించిన తార(రుక్మిణి వసంత్) మళ్లీ లండన్‌కి ఎందుకొచ్చింది..? తదితర విషయాలు తెలసుకోవాలంటే ఈ సినిమా చూసేయండి.
