Robinhood Teaser| యూత్ హీరో నితిన్(Nithin) హీరోగా నటిస్తున్న చిత్రం ‘రాబిన్హుడ్’. భీష్మ సినిమా దర్శకుడు వెంకీ కుడుముల తెరకెక్కిస్తున్న ఈ చిత్రంలో యంగ్ బ్యూటీ శ్రీలీల హీరోయిన్‌గా నటిస్తోంది. తాజాగా ఈ సినిమా టీజర్‌ను మేకర్స్ విడుదల చేశారు. ఆద్యంతం ఆసక్తికరంగా టీజర్‌ను రూపొందించారు. ధనవంతుల ఇళ్లల్లో దొంగతనాలు చేసే రాబిన్హుడ్ గెటప్‌లో నితిన్ నటించినట్లు తెలుస్తోంది. మరోవైపు పోలీస్ ఆఫీసర్ పాత్రలోనూ కనువిందు చేశాడు. దీంతో సినిమాపై ఆసక్తి నెలకొంది. యాక్షన్ థ్రిల్లర్‌గా రూపొందుతున్న ఈ మూవీ క్రిస్మస్ కానుకగా డిసెంబర్ 25న ప్రేక్షకుల ముందుకు రానుంది.
ఈ సినిమాతో పాటు ఎంసీఏ, వకీల్ సాబ్ చిత్రాల డైరెక్టర్ శ్రీరామ్ వేణు దర్శకత్వంలో ‘తమ్ముడు’ చిత్రంలోనూ నటిస్తున్నాడు. ప్రస్తుతం సినిమా షూటింగ్ శరవేగంగా జరుగుతోంది. ఇప్పటికే విడుదలైన సినిమా పోస్టర్లు సినిమాపై ఆసక్తి పెంచాయి. శ్రీ వెంకటేశ్వర క్రియేషన్స్ బ్యానర్ మీద ప్రముఖ నిర్మాత దిల్ రాజు ఈ చిత్రాన్ని నిర్మిస్తున్నారు. ఈ సినిమానే కాకుండా ‘బలగం’ మూవీ వేణు దర్శకత్వంలో ‘ఎల్లమ్మ’ అనే చిత్రంలోనూ నటించనున్నాడు.
