Couple Friendly Movie Review: సంతోష్ శోభన్, మానస వారణాసి జంటగా నటించిన ‘కపుల్ ఫ్రెండ్లీ’ ఫిబ్రవరి 14 రిలీజ్ అయిన రొమాంటిక్ డ్రామా. అశ్విన్ చంద్రశేఖర్ దర్శకత్వం వహించిన ఈ చిత్రం చెన్నై నేపథ్యంలో యువత జీవన పోరాటాలు, ప్రేమ, లివ్-ఇన్ రిలేషన్షిప్స్ను రియలిస్టిక్గా చూపిస్తుంది.
కథ
శివ (సంతోష్ శోభన్) నెల్లూరు నుంచి చెన్నైకి వచ్చి ఇంటీరియర్ డిజైనర్గా కెరీర్ చేయాలని కలలు కంటాడు. ఉద్యోగం రాక, బైక్ టాక్సీ చేస్తూ బతుకుతుంటాడు. మిత్ర (మానస వారణాసి) చిత్తూరు నుంచి ఐటీ జాబ్ కోసం వచ్చి, ఆఫర్ లెటర్ ఆలస్యంతో ఇబ్బందులు పడుతుంది. ఇద్దరూ ఒకరినొకరు కలుస్తారు, ఇబ్బందుల్లో ఒకరికొకరు సాయం చేసుకుంటారు. ఈ క్రమంలో శివ రూంకి పేయింగ్ గెస్ట్గా వస్తుంది మిత్ర. ఇద్దరి మధ్య స్నేహం ప్రేమగా మారుతుంది, లివ్-ఇన్ రిలేషన్షిప్ ఏర్పడుతుంది. వాళ్ల బంధాన్ని శివ తల్లిదండ్రులు అంగీకరిస్తారు కానీ మిత్ర తల్లిదండ్రులు వ్యతిరేకిస్తారు. ఇంతలో ఊహించని ట్విస్ట్ వస్తుంది, వారి జీవితాలు మారిపోతాయి. చివరకు ఏమవుతుందనేది ఎమోషనల్ థింగ్.
కథనం
దర్శకుడు అశ్విన్ చంద్రశేఖర్ తన తొలి చిత్రంలో స్వచ్ఛమైన, భావోద్వేగ కథను అందంగా చెప్పాడు. ఫస్టాఫ్ యూత్ఫుల్గా, టెండర్ మూమెంట్స్తో నడిచి ఆకట్టుకుంటుంది. ఇంటర్కట్ టెక్నిక్తో ఫ్యూచర్ ఈవెంట్స్ను చూపించడం ఆసక్తికరంగా ఉంది. చెన్నై లొకేషన్స్ను వాస్తవికంగా ఉపయోగించి, తమిళ డైలాగ్స్తో అథెంటిసిటీ తెచ్చాడు. లివ్-ఇన్ రిలేషన్షిప్ను పరిణతితో, సున్నితంగా చూపించాడు. సెకండాఫ్లో టోనల్ షిఫ్ట్ అకస్మాత్తుగా వస్తుంది, భావోద్వేగ ట్విస్ట్ (‘సయ్యారా’, ‘ఎ మూమెంట్ టు రిమెంబర్’ లాంటి) ఊహించనిది. ఇది కొందరికి హెవీగా అనిపించవచ్చు, ఎమోషనల్ ట్రాన్సిషన్ స్మూత్గా లేకపోవడం లోపం.
అయితే క్లైమాక్స్ మెచ్యూర్డ్గా, ఎమోషనల్ ఇంపాక్ట్తో ముగుస్తుంది. డైలాగ్స్ సహజంగా ఉన్నాయి. హాస్పిటల్ సీక్వెన్స్ కొంచెం బలవంతంగా చొప్పించినట్లు అయినా ఓవరాల్ నెరేషన్ స్మార్ట్ చాయిసెస్తో సాగుతుంది. సినిమా నిడివి క్రిస్ప్గా (సుమారు 2 గంటలు) ఉండటం ప్లస్. యువత జీవితాల్లోని కష్టాలు, రిలేషన్ డైనమిక్స్ను బాగా కనెక్ట్ చేశాడు దర్శకుడు. మొత్తంగా డైరెక్షన్ సిన్సియర్గా, హార్ట్ఫుల్గా ఉంది.
నటీనటుల అభినయం
శివ పాత్రలో సంతోష్ శోభన్ కన్విన్సింగ్గా నటించాడు. బ్యాడ్ లక్తో బతికే యువకుడి మిజరబుల్ లైఫ్ను, కెరీర్ స్ట్రగుల్స్ను అథెంటిక్గా చూపించాడు. భావోద్వేగ సన్నివేశాల్ని మెచ్యూర్గా హ్యాండిల్ చేశాడు. బాయిష్ నుంచి రెస్పాన్సిబుల్ మ్యాన్గా ట్రాన్స్ఫర్మేషన్ బాగుంది. మిత్ర పాత్రలో మానస వారణాసి షో-స్టీలర్. ఆమె అభినయం అద్భుతం – యాంబిషియస్ గర్ల్గా రెసిలియన్స్, వల్నరబిలిటీస్ రెండూ బ్యాలెన్స్ చేసింది. రొమాంటిక్, ఇంటిమేట్ మూమెంట్స్లో సహజంగా కనిపించింది. ఇటీవలి టాలీవుడ్లో ఫైనెస్ట్ ఫీమేల్ లీడ్ పెర్ఫార్మెన్స్లలో ఒకటి. ఇద్దరి మధ్య కెమిస్ట్రీ వండర్ఫుల్, బిలీవబుల్ రిలేషన్షిప్ క్రియేట్ చేసింది.
సపోర్టింగ్ రోల్స్లో రాజీవ్ కనకాల, గోపరాజు రమణ తండ్రుల పాత్రల్లో ఒదిగిపోయి నటించారు. యోగి బాబు, లివింగ్స్టన్ కేమియోలు ఇంపాక్ట్ఫుల్. మిత్ర స్నేహితురాలి రిలేషన్, శివ ఫ్యామిలీ సబ్ప్లాట్స్ బాగా సపోర్ట్ చేశాయి. మొత్తంగా లీడ్ పెయిర్ పెర్ఫార్మెన్సెస్ సినిమా బలం.
సాంకేతిక అంశాలు
సినిమాటోగ్రఫీ (దినేష్ పురుషోత్తమన్) హైలైట్ – చెన్నై రియల్ లొకేషన్స్ను.. అక్కడి స్ట్రీట్స్, టెర్రేసెస్, ల్యాండ్మార్క్స్తో అద్భుతంగా క్యాప్చర్ చేశాడు. నేచురలిజం, వైబ్రెంట్ ఫీల్ ఇచ్చాడు. బాగ్రౌండ్ మ్యూజిక్ (ఆదిత్య రవీంద్రన్) రిఫ్రెషింగ్, బ్రీజీ బ్యాలడ్స్, సూతింగ్ మెలడీస్ సినిమాకు అందాన్ని చేకూర్చాయి. పాటలు మాత్రం అంతగా ఆకట్టుకోలేదు. ఎడిటింగ్ క్రిస్ప్, టైట్ రన్టైమ్ మెయింటైన్ చేసింది. ప్రొడక్షన్ వాల్యూస్ మినిమలిస్ట్ కానీ ఆర్గానిక్ – తమిళ డైలాగ్స్, లోకల్ కాస్టింగ్తో ఆథెంటిసిటీ తెచ్చాయి. ఆర్ట్, సౌండ్ డిజైన్ సపోర్టివ్.
ప్లస్లు: రియలిస్టిక్ క్యారెక్టరైజేషన్, హీరో హీరోయిన్ల నటన, భావోద్వేగ ట్విస్ట్, బ్యాగ్రౌండ్ మ్యూజిక్, సినిమాటోగ్రఫీ.
మైనస్లు: అబ్రప్ట్ సెకండాఫ్ టోనల్ షిఫ్ట్, క్యాచీ సాంగ్స్ లేకపోవడం, కొన్ని నాటకీయ సన్నివేశాలు.
వర్డిక్ట్
‘కపుల్ ఫ్రెండ్లీ’ డీసెంట్ రొమాంటిక్ డ్రామా. సిన్సియర్ ప్రేమకథ, పరిణతి చెందిన కథనం, బలమైన అభినయాలతో హార్ట్ టచింగ్ అనుభూతి ఇస్తుంది. సెకండాఫ్ హెవీ అయినా ఎమోషనల్ ఇంపాక్ట్ ఉంది. రియలిస్టిక్ లవ్ స్టోరీస్ ఇష్టపడేవారికి బాగా కనెక్ట్ అవుతుంది.
రేటింగ్: 3/5
– యజ్ఞమూర్తి