చియాన్ విక్రమ్, పా రంజిత్ పీరియాడిక్ యాక్షన్ సినిమా “తంగలాన్” నుంచి టాలెంటెడ్ యాక్ట్రెస్ పార్వతీ తిరువోతు ‘గంగమ్మ’ క్యారెక్టర్ లుక్ రిలీజ్.
చియాన్ విక్రమ్ నటిస్తున్న పీరియాడిక్ యాక్షన్ మూవీ “తంగలాన్”. ఈ చిత్రాన్ని ప్రముఖ దర్శకుడు పా రంజిత్ రూపొందిస్తున్నారు. పార్వతీ తిరువోతు, మాళవిక మోహనన్ హీరోయిన్లుగా నటిస్తున్నారు. కోలార్ గోల్డ్ ఫీల్డ్స్ నేపథ్యంలో యదార్థ ఘటనల ఆధారంగా ఈ సినిమా రూపొందింది. “తంగలాన్” సినిమాను పా రంజిత్ నీలమ్ ప్రొడక్షన్స్ తో కలిసి ప్రతిష్టాత్మక నిర్మాణ సంస్థ స్టూడియో గ్రీన్ పతాకంపై కేఈ జ్ఞానవేల్ రాజా నిర్మిస్తున్నారు. ఇవాళ టాలెంటెడ్ హీరోయిన్ పార్వతీ తిరువోతు బర్త్ డే సందర్భంగా “తంగలాన్” లో ఆమె నటించిన గంగమ్మ క్యారెక్టర్ ఫస్ట్ లుక్ రిలీజ్ చేశారు. మహిళా రైతు క్యారెక్టర్ లో ఆమె నటిస్తున్నట్లు ఫస్ట్ లుక్ ద్వారా తెలుస్తోంది.
“తంగలాన్” సినిమాను త్వరలోనే గ్రాండ్ థియేట్రికల్ రిలీజ్ కు తీసుకురాబోతున్నారు. ఇప్పటికే ఈ సినిమా నుంచి రిలీజ్ చేసిన పోస్టర్స్, టీజర్ కు మంచి రెస్పాన్స్ వచ్చింది. చియాన్ విక్రమ్ ను ఓ కొత్త నేపథ్యంలో, విభిన్నమైన క్యారెక్టర్ లో దర్శకుడు పా.రంజిత్ చూపించబోతున్నారు.