OTT Moives| ప్రతి వారంలాగే ఈ వారం కూడా థియేటర్లు, ఓటీటీ యాప్‌ల్లో సందడి చేసేందుకు సినిమాలు, వెబ్‌సిరీస్‌లు సిద్ధమయ్యాయి. అయితే ఈసారి దీపావళి పండుగ రావడంతో పలు సినిమాలు థియేటర్లలో కాంతులు వెలిగించేందుకు రెడీ అయ్యాయి.
సితార ఎంటర్‌టైన్మెంట్స్ బ్యానర్‌పై మలయాళ స్టార్ హీరో దుల్కర్ సల్మాన్ హీరోగా నటించిన ‘లక్కీ భాస్కర్'(Lucky Baskhar) సినిమా అక్టోబర్ 31న విడుదల కానుంది. అయితే అక్టోబర్ 30వ తేదీ రాత్రి ప్రీమియర్స్‌తో అభిమానులను అలరించనుంది. అలాగే మరో యువ హీరో కిరణ్ అబ్బరం నటించి పాన్ ఇండియా సినిమా ‘క'(KA) మూవీ కూడా అక్టోబర్ 31న థియేటర్లలో సందడి చేయనుంది. ఇక తమిళ హీరో శివకార్తీకేయన్, క్యూట్ బ్యూటీ సాయిపల్లవి జంటగా నటించిన ‘అమరన్'(Amaran), కన్నడ హీరో శ్రీమురళి నటించిన ‘బఘీర'(Bagheera) కూడా అదే రోజు విడుదల కానున్నాయి.
ఇక బాలీవుడ్ స్టార్ హీరో అజయ్ దేవగణ్ హీరోగా నటించిన సినిమా ‘సింగమ్‌ అగైన్‌’. ‘సింగమ్‌’ ఫ్రాంచైజీలో రూపొందిన ఈ సినిమా కూడా దీపావళి కానుకగా విడుదల కానుంది. ఇందులో అక్షయ్‌ కుమార్‌, టైగర్‌ ష్రాఫ్‌, రణ్‌వీర్‌సింగ్‌, కరీనా కపూర్‌, దీపికా పదుకొణె లాంటి స్టార్‌లు కలిసి నటించడం విశేషం. ఈ యాక్షన్‌ మూవీ నవంబరు 1న ప్రేక్షకుల ముందుకు రానుంది. మరి ఈ సినిమాలన్నింటిలో ఏ సినిమా దీపావళి కాంతులతో ధగధగలాడుతోంది వేచి చూడాలి.
మరోవైపు ఓటీటీ ప్రియులను కూడా అలరించేందుకు పలు సినిమాలు, వెబ్‌సిరీస్‌లు కూడా స్ట్రీమింగ్‌కు రెడీగా ఉన్నాయి. మరి ఏ ఓటీటీలో ఏది స్ట్రీమింగ్ అవుతుందో ఓసారి చదివేయండి..
నెట్‌ఫ్లిక్స్‌:
టైమ్‌ కట్‌ (ఇంగ్లిష్): అక్టోబరు 30
మర్డర్‌ మైండ్‌ఫుల్లీ (ఇంగ్లిష్ ) : అక్టోబరు 31
ది డిప్లోమ్యాట్‌ సీజన్‌ 2 ( ఇంగ్లిష్ వెబ్‌సిరీస్‌): అక్టోబరు 31
హాట్‌స్టార్‌:
లబ్బర్‌ పందూ (తెలుగు) : అక్టోబరు 31
కిష్కంధ కాండం (తెలుగు ) : నవంబరు 1
విజార్డస్‌ బియాండ్‌ వేవర్లీ ప్లేస్‌ (ఇంగ్లిష్ సిరీస్‌) : అక్టోబరు 30
ఈటీవీ విన్‌: లవ్‌ మాక్‌టైల్‌ సీజన్‌ 2 (తెలుగు వెబ్‌సిరీస్‌) : అక్టోబరు 31
జీ5: మిథ్య ( తెలుగు ) : నవంబరు 1
ఆహా: అర్థమయ్యిందా..? అరుణ్‌కుమార్‌ సీజన్‌ 2 (తెలుగు వెబ్‌సిరీస్‌) : అక్టోబరు 31
