Director Karunakaran: టాలీవుడ్ లవ్స్టోరీ చిత్రాల్లో ‘తొలి ప్రేమ’ సినిమాది ప్రత్యేక స్థానం. ఎలాంటి జనరేషన్ని అయిన ఈ మూవీ బాగా ఆకట్టుకుంది. 90’s అండ్ ఎర్టీ 20’sలో యూత్ని బాగా ఆకట్టుకున్న లవ్స్టోరి ఇదే. పవన్ కళ్యాణ్, కీర్తిరెడ్డి హీరోహీరోయిన్లుగా నటించిన ఈ చిత్రానికి కరుణాకరన్ దర్శకత్వం వహించారు. తొలి ప్రేమతో ఫీల్గుడ్ లవ్స్టోరీలకు కొత్త నిర్వచనం ఇచ్చారు.
8ఏళ్ల తర్వాత రీఎంట్రీ
దీనితర్వాత హ్యాపీ, ఉల్లాసంగా ఉత్సాహంగా, డార్లింగ్ వంటి సూపర్ హిట్ చిత్రాలను అందించిన కరుణాకరణ్ సడెన్గా సినిమాలకు బ్రేక్ ఇచ్చారు. ఇప్పుడు దాదాపు 8 ఏళ్ల తర్వాత ఆయన మరోసారి మెగాఫోన్ పట్టేందుకు సిద్ధమయ్యారు. 2018లో వచ్చిన ‘తేజ్ ఐ లవ్యూ’ తర్వాత సినిమాలకు దూరంగా ఉన్న కరుణాకరన్ ఇప్పుడు యువ హీరో బెల్లంకొండ గణేష్తో కలిసి కొత్త ప్రాజెక్ట్ను అధికారికంగా ప్రకటించారు. సోమవారం ఈ సినిమా పూజ కార్యక్రమంతో గ్రాండ్గా లాంచ్ అయ్యింది.
అనుదీప్ డైలాగ్స్..
ఈ కార్యక్రమానికి సీనియర్ డైరెక్టర్ వివి వినాయక్ ముఖ్య అతిథిగా హాజరై ముహుర్తపు సన్నివేశానికి క్లాప్ కొట్టారు. ఈ చిత్రం న్యూ ఏజ్ రొమాంటిక్ కామెడీగా తెరకెక్కనుంది. కరుణాకరన్ స్టైల్కు తగ్గట్లుగా సాఫ్ట్ ఎమోషన్స్, క్యూట్ లవ్ స్టోరీతో ఈ సినిమా ఉండబోతుందని సమాచారం. ఈ చిత్రానికి జాతిరత్నాలు ఫేమ్ అనుదీప్ కేవి మాటలు రాస్తున్నారు. కామెడీ సన్నివేశాల్లో కరుణాకరన్కు ప్రత్యేకమైన స్టయిల్ ఉండగా అనుదీప్కు కూడా హాస్యంలో మంచి పట్టుంది.
క్రేజీ హీరోయిన్ తో..
అలాంటి వీరిద్దరి కామెడీ సన్నివేశాలు రూపొందుతున్నాయంటే ఈ సినిమా వినోదం ఏ రేంజ్లో ఉండబోతుందో మీ ఊహాకే వదిలేస్తున్నాం. ఇక ఈచిత్రాన్ని భీమ్స్ సిసిరోలియో సంగీతం అందిస్తున్నారు. ఇందులో బెల్లంకొండ గణేశ్ సరసన ఓ క్రేజీ హీరోయిన్ను తీసుకోవాలని యూనిట్ నిర్ణయించింది. హీరోయిన్ ఎంపికతో ఈ ప్రాజెక్ట్కు మరింత వెయిట్ యాడ్ కానుంది. కరుణాకరన్, అనుదీప్ కలయికలో రాబోతున్న ఈ సినిమా వినోదభరితంగా ఉండబోతుందనే అంచనాలు ఉన్నాయి. బెల్లంకొండ గణేశ్ కెరీర్లో కూడా ఇది కీలక ప్రాజెక్ట్గా మారే అవకాశం ఉంది.