అమెరికాలోని కొలరాడో గే నైట్ క్లబ్ లో ఓ దుండగులు కాల్పులు జరిపిన కాల్పులు కలకలం రేపాయి. ఈ కాల్పుల్లో ఐదుగురు అక్కడికక్కడే మరణించగా.. మరో 18 మందికి పైగా గాయపడినట్లు తెలుస్తోంది. స్థానిక కాలమానం ప్రకారం శనివారం రాత్రి ఈ ఘటన జరిగినట్లు అక్కడి పోలీసులు వెల్లడించారు. కొలరాడోలోని ‘క్లబ్ క్యూ’ అనే నైట్ క్లబ్ లో ఓ దుండగుడు తన వద్దనున్న తుపాకీతో కాల్పులు జరిపాడు.
ఈ కాల్పుల ఘటనలో ఐదుగురు మరణించగా.. 18 మందికి గాయాలయ్యాయి. సమాచారం అందుకున్న పోలీసులు.. క్లబ్ వద్దకు చేరుకుని నిందితుడిని అదుపులోకి తీసుకున్నారు. గాయపడ్డవారిని పోలీసులు ఆస్పత్రికి తరలించారు. కాగా.. నవంబర్ 20న అక్కడ ‘ట్రాన్స్జెండర్ డే ఆఫ్ రిమెంబ్రెన్స్ (టీడీఓఆర్)’ జరుపుకుంటారు. ట్రాన్స్‌జెండర్లు, గేలు, లెస్బియన్లు ఈ డే ను స్పెషల్ గా సెలబ్రేట్ చేసుకుంటారు. ఆ సెలబ్రేషన్స్ కోసం ‘క్లబ్ క్యూ’ లో ప్రత్యేక ఏర్పాట్లు చేశారు. నిందితుడు ఎందుకు కాల్పులకు పాల్పడ్డాడన్న విషయం తెలియాల్సి ఉంది.