Bus Accident: కర్నూలు బస్సు ప్రమాదం మరువకముందే మరో ఘోర ప్రమాదం జరిగింది. హైదరాబాద్ ఓఆర్ఆర్‌పై ప్రైవేట్ బస్సు బోల్తా పడింది. మియాపూర్ నుంచి గుంటూరుకు వెళ్తున్న న్యూ గో ప్రైవేట్ ట్రావెల్స్ బస్సు ప్రమాదానికి గురైంది.

ప్రమాద సమయంలో బస్సులో 20 మంది ప్రయాణికులు ఉన్నట్టుగా తెలుస్తోంది. ఈ ఘటనలో ప్రయాణికులకు తీవ్ర గాయాలయ్యాయి. స్థానికులు క్షతగాత్రులను వెంటనే ఆస్పత్రికి తరలించారు. ఈ ఘటనకు సంబంధించి మరిన్ని వివరాలు ఇంకా తెలియాల్సి ఉంది. వరుసగా బస్సు ప్రమాదాలు చోటుచేసుకోవడంతో ప్రయాణికుల్లో తీవ్ర ఆందోళన నెలకొంది.