Dalit Techie Kavin’s Honour Killing: తమిళనాడులోని తిరునెల్వేలిలో జరిగిన దళిత టెకీ కవిన్ పరువు హత్య కేసులో క్రైమ్ బ్రాంచ్-సీఐడీ (CBCID) వివరణాత్మక ఛార్జ్‌షీట్‌ను దాఖలు చేసింది. 23 ఏళ్ల సాఫ్ట్‌వేర్ ఇంజనీర్ కవిన్‌ను అతని ప్రేయసి సోదరుడే అత్యంత దారుణంగా నరికి చంపాడని సీబీసీఐడీ మరోసారి స్పష్టం చేసింది.

ALSO READ: Marital Rape: శృంగారానికి నిరాకరించిందని భార్యను రెండస్తుల మేడ పైనుంచి తోసేసిన భర్త

హత్య వెనుక పోలీసు కుటుంబం

ఈ కేసులో మొత్తం నలుగురు నిందితుల పేర్లను ఛార్జ్‌షీట్‌లో చేర్చినట్లు సీబీసీఐడీ చీఫ్ టీఎస్ అన్బు తెలిపారు. ప్రధాన నిందితుడు సుర్జిత్ కాగా, అతని తండ్రి, పోలీసు సబ్-ఇన్‌స్పెక్టర్ శరవణన్, తల్లి, పోలీసు అధికారిణి కృష్ణకుమారి, మరియు ఒక బంధువు జయపాల్ పేర్లు కూడా నిందితులుగా నమోదయ్యాయి. ఈ హత్య కేసులో 69 మంది సాక్షులను విచారించి, 37 సహాయక పత్రాలతో కూడిన తుది నివేదికను అక్టోబర్ 22న కోర్టుకు సమర్పించారు.

తన సోదరి, కవిన్‌ల సంబంధాన్ని వ్యతిరేకించిన సుర్జిత్, కవిన్‌ను కొడవలితో నరికి చంపాడని సీబీసీఐడీ తేల్చింది.

ALSO READ: Child Abandonment: బ్యాగులో నవజాత శిశువు కుళ్లిపోయిన మృతదేహం లభ్యం.. తల్లిపై కేసు నమోదు

నిందితుడి తండ్రికి బెయిల్ నిరాకరణ

ఈ కేసులో నిందితుడు, పోలీసు సబ్-ఇన్‌స్పెక్టర్ అయిన శరవణన్ దాఖలు చేసిన బెయిల్ పిటిషన్‌ను తిరునెల్వేలి అదనపు సెషన్స్ కోర్టు మూడోసారి తిరస్కరించింది. ‘బహిరంగంగా, ఉద్దేశపూర్వకంగా చేసిన పరువు హత్య’గా పేర్కొంటూ… శరవణన్‌కు బెయిల్ ఇస్తే, అతని భార్య కృష్ణకుమారి సాక్షులను ప్రభావితం చేయవచ్చని, విచారణకు ఆటంకం కలిగించవచ్చని న్యాయమూర్తి వ్యాఖ్యానించారు.

ALSO READ: Man Murders Sister: డబ్బుల కోసం సొంత చెల్లిని చంపి, 70 కి.మీ. దూరంలో పడేసిన అన్న

హత్య తీరు, ప్రభుత్వ స్పందన

తమిళనాడులోని తూత్తుకుడి జిల్లా ఆరుముగమంగళంకు చెందిన సాఫ్ట్‌వేర్ ఇంజనీర్ కవిన్, తన తాతయ్య చికిత్స కోసం జూలైలో తిరునెల్వేలిలోని ఆసుపత్రికి వెళ్లాడు. అక్కడే డాక్టర్‌గా పనిచేస్తున్న తన ప్రేయసిని కలవగా, సుర్జిత్ కవిన్‌ను మోటారు సైకిల్‌పై తీసుకెళ్లి ఈ ఘాతుకానికి పాల్పడ్డాడు.

ఈ హత్య రాష్ట్రంలో పెను సంచలనం సృష్టించింది. దళిత సంఘాలు, హక్కుల కార్యకర్తలు న్యాయం కోసం, కుల హత్యలకు వ్యతిరేకంగా కఠిన చట్టాల కోసం డిమాండ్ చేశారు. దీనిపై స్పందించిన తమిళనాడు ప్రభుత్వం, పరువు హత్యలపై ప్రత్యేక చట్టాన్ని తీసుకురావాలని యోచిస్తోంది. ఇటువంటి నేరాలను అధ్యయనం చేసి, నివారణ చర్యలను సిఫార్సు చేయడానికి ఒక కమిషన్‌ను కూడా ఏర్పాటు చేయాలని నిర్ణయించింది.

ALSO READ: Doctor Stabbed: సోదరితో సంబంధం పెట్టుకున్నాడని డాక్టర్‌ని కత్తితో పొడిచిన యువకుడు