Lawyer Calls Woman To Discuss Assault Case Settlement, Rapes Her: ఉత్తర ప్రదేశ్‌లోని ఆగ్రాలో దారుణమైన ఘటన వెలుగు చూసింది. 55 ఏళ్ల న్యాయవాది ఒక మహిళపై అత్యాచారానికి పాల్పడిన ఆరోపణల మేరకు అతన్ని అరెస్టు చేసి, జైలుకు పంపినట్లు పోలీసులు తెలిపారు.

ALSO READ: Child Sexual Assault On Flight : విమానంలో 12 ఏళ్ల బాలికపై లైంగిక దాడి.. కఠిన శిక్ష విధించిన యూకే కోర్టు

రాజీ పేరుతో పిలిచి..

37 ఏళ్ల బాధితురాలు నవంబర్ 7వ తేదీన ఏక్తా పోలీస్ స్టేషన్‌లో ఫిర్యాదు నమోదు చేసింది. కోర్టులో పెండింగ్‌లో ఉన్న ఒక అత్యాచార కేసులో నిందితుడి తరపున ఈ న్యాయవాది (జిత్నేంద్ర) వాదిస్తున్నారు. ఈ కేసును రెండు పార్టీల మధ్య రాజీ చేసుకునేందుకు జిత్నేంద్ర ప్రతిపాదించగా, మహిళ కూడా అంగీకరించింది.

నవంబర్ 6వ తేదీన, రాజీ పత్రాలపై సంతకాలు పెట్టేందుకు న్యాయవాది జిత్నేంద్ర తనను పిలిచాడని మహిళ ఆరోపించింది. అతను ఆమెను మభ్యపెట్టి తన కారు ఎక్కించుకున్నాడనీ, బలవంతంగా ఆల్కహాల్ తాగించాడనీ ఫిర్యాదులో పేర్కొంది. ఆ తర్వాత, ఆమెను ఒక హోటల్‌కు తీసుకెళ్లి, అత్యాచారానికి పాల్పడ్డాడని బాధితురాలు తెలిపింది.

ALSO READ: Girl Kidnapped: అమలాపురంలో బాలిక కిడ్నాప్‌ కలకలం.. ఆచూకీ కోసం పోలీసుల గాలింపు ముమ్మరం

నిందితుడి అరెస్ట్

బాధితురాలి ఫిర్యాదు ఆధారంగా పోలీసులు కేసు నమోదు చేశారు. ఆరోపణలు ఎదుర్కొంటున్న న్యాయవాది జిత్నేంద్రను పోలీసులు ఆదివారం అరెస్టు చేసి జైలుకు పంపారు. ఈ ఘటనపై తదుపరి దర్యాప్తు జరుగుతోందని పోలీసులు తెలిపారు.

ALSO READ: Model Death: 21 ఏళ్ల మోడల్ మృతి.. ఒంటి నిండా గాయాలు! ఆసుపత్రి ముందు పడేసి ప్రియుడు పరార్