Travels Bus Accident- Bangalore Software Engineer: బెంగళూరులో సాఫ్ట్‌వేర్ ఉద్యోగం చేస్తూ భవిష్యత్తు కోసం కష్టపడుతున్న అనూష జీవితంలో ఊహించని విషాదం చోటు చేసుకుంది. యాదాద్రి భువనగిరి జిల్లాకు చెందిన ఈ యువతి తన కలల ప్రపంచాన్ని నిర్మించుకుంటూ ముందుకు సాగుతోంది. కుటుంబానికి గర్వకారణంగా నిలిచిన అనూష.. దీపావళి సెలవుల సందర్భంగా ఇంటికి వచ్చి తల్లిదండ్రులతో, బంధువులతో ఆనందంగా పండగ జరుపుకుంది. కానీ పండగ ఆనందం ముగియగానే తిరుగు ప్రయాణం ఆమెకు చివరి ప్రయాణంగా మారుతుందని ఎవరూ ఊహించలేదు.
ఆగి ఉన్న లారీని..
గురువారం తెల్లవారుజామున జరిగిన ఘోర రోడ్డు ప్రమాదంలో అనూష ప్రాణాలు కోల్పోయింది. కావేరి ట్రావెల్స్‌కు చెందిన బస్సు ఆగి ఉన్న లారీని ఢీకొట్టడంతో బస్సులో మంటలు చెలరేగాయి. ప్రయాణికులు బయటపడేందుకు ప్రయత్నించినప్పటికీ, కొంతమంది బయటకు రాకముందే మంటలు వేగంగా వ్యాపించాయి.
వారిలో అనూష కూడా ఉంది. ఆమె సజీవదహనమై ప్రాణాలు కోల్పోయింది. ఈ సంఘటన గురించి తెలుసుకున్న అనూష కుటుంబ సభ్యులు తీవ్ర విషాదంలో మునిగిపోయారు. కూతురు ఇక లేరన్న వార్త అందరినీ కన్నీటి పర్యంతం చేసింది.గుండాల మండలం వస్తకొండూరు గ్రామానికి చెందిన అనూష చిన్నతనంలో నుంచే చదువులో ప్రతిభ చూపింది.
ఐటీ కంపెనీలో ఉద్యోగం..
ఇంజనీరింగ్ పూర్తయ్యాక బెంగళూరులోని ఓ ఐటీ కంపెనీలో ఉద్యోగం సాధించింది. కుటుంబ ఆర్థిక పరిస్థితులను మెరుగుపరచడం కోసం నిరంతరం కష్టపడుతూ ఉండేది. తల్లిదండ్రులకు సొంత ఇల్లు కట్టాలని, తమ్ముడి చదువులు పూర్తి చేయించాలని కలలు కనేది. కానీ ఆ కలలు అన్నీ ఒక్కసారిగా చిద్రమయ్యాయి.
దీపావళి పండగ కోసం కొన్ని రోజుల క్రితం అనూష ఇంటికి వచ్చింది. కుటుంబ సభ్యులతో పండగను సంతోషంగా జరుపుకుని, తిరిగి ఉద్యోగానికి వెళ్ళడానికి బస్సు టిక్కెట్టు బుక్ చేసుకుంది. అక్టోబర్ 24 తెల్లవారుజామున బయలుదేరిన కావేరి ట్రావెల్స్ బస్సు యాదాద్రి భువనగిరి జిల్లా పరిధిలో ప్రమాదానికి గురైంది. బస్సు రోడ్డుపక్కన నిలిచిన లారీని ఢీకొట్టడంతో ఒక్కసారిగా మంటలు చెలరేగాయి. క్షణాల్లోనే బస్సు మంటల్లో కూరుకుపోయింది. అనూషతో పాటు మరో యువతి కూడా బయటపడలేక మృతి చెందారు.
మరో సాఫ్ట్‌వేర్ ఉద్యోగి..
అనూషతో పాటు ప్రయాణించిన మరో సాఫ్ట్‌వేర్ ఉద్యోగి ధాత్రి కూడా ఈ ప్రమాదంలో ప్రాణాలు కోల్పోయింది. బాపట్ల జిల్లాకు చెందిన ధాత్రి హైదరాబాద్‌లోని తన మేనమామ ఇంటికి వచ్చి తిరిగి బెంగళూరుకు వెళ్తుండగా ఈ ఘటన జరిగింది. ఇద్దరూ ఒకే కంపెనీలో పని చేస్తున్నట్లు పోలీసులు తెలిపారు. వారి మృతదేహాలను గుర్తించడం కష్టంగా మారడంతో కుటుంబసభ్యులు షాక్‌కు గురయ్యారు.
ప్రమాదం జరిగిన ప్రదేశంలో సహాయక చర్యలు వెంటనే ప్రారంభమయ్యాయి. స్థానికులు, పోలీసులు కలిసి మంటలను ఆర్పేందుకు ప్రయత్నించారు. కానీ బస్సు పూర్తిగా మంటల్లో కాలి బూడిదైపోయింది. అగ్నిమాపక సిబ్బంది సాయంతో మృతదేహాలను బయటకు తీశారు. ప్రమాదంపై కేసు నమోదు చేసి విచారణ ప్రారంభించిన పోలీసులు, బస్సు డ్రైవర్ నిర్లక్ష్యం కారణమా లేదా సాంకేతిక లోపమా అనే దానిపై దృష్టి సారించారు.
వస్తకొండూరు గ్రామంలో అనూష మరణ వార్తతో ఊరు మొత్తం విషాదంలో మునిగిపోయింది. చిన్న వయసులోనే కుటుంబానికి అండగా నిలిచిన అమ్మాయి ప్రాణాలు కోల్పోవడం అందరినీ కలచివేసింది. స్నేహితులు, బంధువులు, పాఠశాల ఉపాధ్యాయులు ఆమెను గుర్తుచేసుకుంటూ కన్నీళ్లు పెట్టుకున్నారు. ‘ఎంత శ్రమపడి ఉద్యోగం సాధించిందో, కానీ ఒక్క ప్రమాదం అంతా తీసుకుపోయింది’ అంటూ అందరూ విచారిస్తున్నారు.
Also Read:https://teluguprabha.net/devotional-news/who-are-the-five-beings-shani-fears-according-to-legends/
అనూష తల్లిదండ్రులు తమ కూతురిని చివరిసారిగా చూసేంత వరకూ కన్నీళ్లు ఆపుకోలేకపోయారు. “ఇంత తెలివైన అమ్మాయి ఇంత త్వరగా వెళ్లిపోతుందని ఊహించలేదు” అంటూ గుండెలు విలేసిలా రోదించారు.ప్రమాదంలో గాయపడిన ప్రయాణికులను సమీప ఆసుపత్రికి తరలించారు. కొందరి పరిస్థితి స్థిరంగా ఉండగా, మరికొందరు చికిత్స పొందుతున్నారు. అధికారులు ఘటనపై పూర్తి నివేదిక సిద్ధం చేయమని ఆదేశించారు. బస్సు కంపెనీపై చర్యలు తీసుకునే అవకాశం ఉందని సమాచారం.
