Man Murders Sister Over Rs 5 Lakh Money Dispute: ఉత్తరప్రదేశ్‌లోని గోరఖ్‌పూర్‌లో ఒక వ్యక్తి డబ్బు వివాదం కారణంగా తన సొంత చెల్లిని దారుణంగా హత్య చేసిన ఘటన కలకలం సృష్టించింది. అనంతరం అతడు మృతదేహాన్ని దాదాపు 70 కిలోమీటర్ల దూరంలోని కుశీనగర్ జిల్లాలో పడేశాడు. నిందితుడు నేరం అంగీకరించిన తర్వాత బుధవారం రాత్రి పోలీసులు మృతదేహాన్ని స్వాధీనం చేసుకున్నారు.

ALSO READ: Blackmail With AI Images: ఏఐ దారుణం.. సోదరీమణుల అశ్లీల ఫొటోలతో బ్లాక్‌మెయిల్.. విద్యార్థి ఆత్మహత్య

రూ. 5 లక్షల పరిహారం కోసమే హత్య

పోలీసులు తెలిపిన వివరాల ప్రకారం, ఈ దారుణానికి పాల్పడింది రామ్ ఆశిష్ నిషాద్ (32). ఇతను తన 19 ఏళ్ల చెల్లి నీలమ్‌ని హత్య చేశాడు. ఒక రహదారి ప్రాజెక్ట్ కోసం ప్రభుత్వం వీరి తండ్రి చింకు నిషాద్‌కు భూమిని కోల్పోయినందుకు గానూ రూ. 5 లక్షల పరిహారంగా అందించింది. ఈ డబ్బును తండ్రి నీలమ్ పెళ్లి కోసం ఉపయోగించాలని నిర్ణయించాడు. అయితే, ఈ డబ్బులో వాటా కావాలని రామ్ ఆశిష్ డిమాండ్ చేశాడు, దీనిపైనే ఘర్షణ మొదలైంది.

అక్టోబర్ 27న, ఇంట్లో కుటుంబ సభ్యులెవరూ లేని సమయంలో రామ్ ఆశిష్ ఇంటికి వచ్చాడు. కోపంతో నీలమ్‌ను గుడ్డతో ఉరివేసి చంపాడు. ఆ తర్వాత ఆమె చేతులు, కాళ్లు విరిచి, మృతదేహాన్ని ఒక గోనెసంచిలో కుక్కి, తన బైక్‌కు కట్టుకుని వెళ్లాడు. ఆ సంచిని కుశీనగర్‌లోని ఒక చెరకు పొలంలో పడేసి వచ్చాడు.

సీసీటీవీ ఫుటేజ్ ఆధారంగా నిందితుడి గుర్తింపు

నీలమ్ కనిపించకపోవడంతో, ఆమె ఛత్‌ పూజకు వెళ్లిందేమో అని మొదట ఆమె తండ్రి భావించారు. అయితే, పొరుగువారు రామ్ ఆశిష్ పెద్ద సంచితో బయటకు వెళ్లడం చూశారని చెప్పడంతో, పోలీసులు సీసీటీవీ ఫుటేజ్‌ను పరిశీలించారు. ఫుటేజ్‌లో రామ్ ఆశిష్ సంచిని బైక్‌పై కట్టుకుని వెళ్లడం స్పష్టంగా కనిపించింది.

ALSO READ: Marital Rape: శృంగారానికి నిరాకరించిందని భార్యను రెండస్తుల మేడ పైనుంచి తోసేసిన భర్త

పోలీసులు రామ్ ఆశిష్‌ను విచారించగా, మొదట ఏమీ తెలియనట్లు నటించినా, తర్వాత నేరాన్ని అంగీకరించాడని ఎస్పీ (సిటీ) అభినవ్ త్యాగి తెలిపారు. నిందితుడి వాంగ్మూలం మేరకు చెరకు పొలంలో కుళ్లిపోయిన నీలమ్ మృతదేహాన్ని పోలీసులు గుర్తించారు.

ఈ నేరంలో రామ్ ఆశిష్ భార్య ప్రమేయం కూడా ఉందని అనుమానిస్తున్న నీలమ్ తల్లిదండ్రులు, తమ కొడుకుకు మరణశిక్ష విధించాలని డిమాండ్ చేశారు.

ALSO READ: Child Abandonment: బ్యాగులో నవజాత శిశువు కుళ్లిపోయిన మృతదేహం లభ్యం.. తల్లిపై కేసు నమోదు