Woman Killed By Lover: ఆధునిక ప్రపంచంలో సోషల్ మీడియా రిలేషన్‌షిప్‌లు ఎంత ప్రమాదకరంగా మారాయో చెప్పడానికి ఇది మరో ఉదాహరణ. ఇన్‌స్టాగ్రామ్‌లో తను యువతిగా కనిపించడానికి ఫిల్టర్లను వాడిన ఒక 52 ఏళ్ల మహిళ, ఆమె కంటే చాలా చిన్నవాడైన ప్రియుడి చేతిలో దారుణంగా హత్యకు గురైంది. పెళ్లి చేసుకోవాలని, అప్పు తీర్చాలని ఒత్తిడి చేయడంతో ఈ దారుణం జరిగింది.

ALSO READ: Kanpur murder: స్నేహానికి ఘోరమైన వెన్నుపోటు.. చెల్లితో ప్రేమ వ్యవహారమని.. తల నరికి ముక్కలు చేసి!

ప్రేమ, పెళ్లి, పగ..

ఉత్తరప్రదేశ్‌లోని ఫరూఖాబాద్‌కు చెందిన ఒక 52 ఏళ్ల మహిళకు, మైన్‌పురికి చెందిన అరుణ్‌ రాజ్‌పుత్‌ (26) అనే యువకుడికి ఇన్‌స్టాగ్రామ్‌లో పరిచయం ఏర్పడింది. ఈ పరిచయం మొదట్లో సరదాగా ఉన్నా, క్రమంగా ప్రేమగా మారింది. ఇద్దరూ తరచుగా ఫోన్‌లో మాట్లాడుకోవడం మొదలుపెట్టారు. ఈ క్రమంలో మహిళ అతడికి రూ. 1.5 లక్షలు అప్పుగా ఇచ్చింది. వారిద్దరూ మొదటిసారి కలిసినప్పుడు, అరుణ్‌కు నిజం తెలిసి షాక్ అయ్యాడు. ఇన్‌స్టాగ్రామ్‌లో యువతిలా కనిపించిన ఆమెకు నిజానికి నలుగురు పిల్లలు, పెళ్లి అయిందని తెలిసింది. ఈ విషయం అరుణ్‌ను కలవరపెట్టింది.

అప్పు, పెళ్లి ఒత్తిడితో హత్య

ఆగస్టు 11న మహిళ అరుణ్‌ను కలవడానికి మైన్‌పురికి వచ్చింది. అప్పుడు పెళ్లి చేసుకోవాలని, అప్పు తీర్చాలని అతడిపై ఒత్తిడి తెచ్చింది. ఆ మహిళతో తనకు భవిష్యత్తు లేదని భావించిన అరుణ్‌, ఆమెతో పెళ్లిని నిరాకరించాడు. ఈ క్రమంలో ఇద్దరి మధ్య తీవ్ర వాగ్వాదం జరిగింది. ఆగ్రహంతో ఊగిపోయిన అరుణ్‌, ఆమె మెడకు దుపట్టా బిగించి చంపేశాడు. ఆ తర్వాత ఆమె ఫోన్‌ నుంచి సిమ్‌ కార్డు తీసి పారేశాడు.

ALSO READ: Gang rape: మైనర్ బాలికపై గ్యాంగ్‌రేప్, వీడియో రికార్డ్: ఏడుగురి అరెస్ట్..!

దర్యాప్తు, అరెస్టు

మృతి చెందిన మహిళ మృతదేహాన్ని ఆగస్టు 11న పోలీసులు కర్పరీ గ్రామం వద్ద కనుగొన్నారు. పోస్ట్‌మార్టం తర్వాత అది హత్య అని తేలింది. పోలీసుల దర్యాప్తులో ఆమెను ఫరూఖాబాద్‌ నివాసిగా గుర్తించారు. ఆ తర్వాత అరుణ్‌ను ప్రశ్నించగా, నేరం ఒప్పుకున్నాడు. అతడిని అరెస్ట్ చేసి జైలుకు పంపించారు.

ALSO READ: Man Kills Minor Fiancée: మైనర్‌తో ప్రేమ.. నిశ్చితార్థం.. గొడవపడి గొంతు నులిమి చంపేసిన ప్రియుడు