అపర భద్రాద్రిగా పేరొందిన ఇల్లందకుంట శ్రీ సీతారామచంద్రస్వామి బ్రహ్మోత్సవాలలో భాగంగా శ్రీరాముడి పట్టాభిషేక మహోత్సవాన్ని వేద పండితులు వేదమంత్రోత్సవాలతో అంగరంగ వైభవంగా నిర్వహించారు. ఆలయ ఆవరణలోని కళ్యాణ మండపం ప్రాంగణంలో అందంగా అలంకరించిన వేదికపై శ్రీ సీతారామచంద్రస్వామి ఉత్సవమూర్తులను కొలవుదీర్చగా మంగళ వాయిద్యాలు, వేదమంత్రోత్సవాల నడుమ ఆలయ ప్రధాన అర్చకులు శేషం రామాచార్యులు, శేషం వంశిధరాచార్యులు, వేద పండితులు హరి రామకృష్ణ చార్యులు శ్రీ రాముడి పట్టాభిషేకం మహోత్సవ వేడుకను కనుల పండుగ జరిపించారు. పట్టాభిషేక మహోత్సవానికి హాజరైన భక్తులకు అర్చకులు స్వామివారి తీర్థప్రసాదాలు అందజేశారు. ఈ కార్యక్రమంలో ఆలయ ఉద్యోగులు రవి, మోహన్, రాజయ్య, రమేష్, ప్రవీణ్ లతో పాటు అధిక సంఖ్యలో భక్తులు పాల్గొన్నారు.
- Advertisement -
