మండల కేంద్రంలో స్థానిక సిద్దేశ్వర స్వామి ఆలయ ఆవరణంలో కార్తీక దీపోత్సవం కన్నుల పండుగగా జరిగింది. సిద్దేశ్వర స్వామికి కార్తీక మాసం మూడవ సోమవారం సందర్భంగా ఆలయ ధర్మకర్త రాజపంపన్న గౌడ్ ఆధ్వర్యంలో వేకువ జామునే అభిషేకాలు, సుప్రభాత సేవ, బండారు అర్చన, ఆకు పూజ వంటి కార్యక్రమాలు ఆలయ అర్చకులు చేత నిర్వహించారు.
- Advertisement -
సాయంత్రం ఈ కార్యక్రమానికి ముఖ్యఅతిథిగా జె వసళ్ళి మఠం అజాత శంబులింగ శివాచార్య స్వామి పాల్గొని జ్యోతి ప్రజ్వలన చేసి కార్తీక దీపోత్సవాన్ని ప్రారంభించారు. అనంతరం ఆలయ ప్రాంగణంలో మహిళలు చిన్నారులు యువతలు దీపాలను వెలిగించడానికి పెద్ద ఎత్తున పాల్గొని కార్తీక దీపాలను వెలిగించి మొక్కుబడులను చెల్లించుకున్నారు. ఈ కార్యక్రమంలో శివ శంకర్ గౌడ్, సిద్ధార్థ గౌడ్, తదితరులు పాల్గొన్నారు.
