Holika Dahan 2026 Muhurat in Telugu: సనాతన ధర్మం ప్రకారం, ఫాల్గుణ పూర్ణిమ రాత్రి హోళికా దహనం నిర్వహిస్తారు. అయితే 2026లో ఈ పండుగకు గ్రహణ గండం పొంచి ఉంది. ఇది భారతదేశంలో కనిపిస్తుంది కాబట్టి, గ్రహణానికి 9 గంటల ముందే సూతకం ప్రారంభమవుతుంది. సూతక కాలంలో ఎలాంటి శుభకార్యాలు, పూజలు చేయకూడదు.

గ్రహణ సమయం: మార్చి 3, మధ్యాహ్నం 3:20 నుండి సాయంత్రం 6:47 వరకు.

సూతక కాలం: మార్చి 3 ఉదయం 6:00 గంటల నుంచే ప్రారంభమవుతుంది.

భద్ర కాలం: మార్చి 3 అర్ధరాత్రి 01:25 నుండి తెల్లవారుజామున 04:30 వరకు భద్రా కాలం

హోలికా దహనం ఎప్పుడు చేయాలి?
పంచాంగం ప్రకారం, పూర్ణిమ తిథి మార్చి 2వ తేదీ సాయంత్రం 5:55కు ప్రారంభమై, మార్చి 3వ తేదీ సాయంత్రం 5:07కు ముగుస్తుంది. దీనివల్ల హోళికా దహనానికి రెండు మార్గాలు కనిపిస్తున్నాయి. మార్చి 2వ తేదీ రాత్రి భద్రా కాలం ముగిసిన తర్వాత దహనం చేయడం లేదా మార్చి 3వ తేదీ సాయంత్రం గ్రహణం ముగిసిన వెంటనే నిర్వహించడం. జ్యోతిష్య పండితుల సూచన ప్రకారం, మార్చి 3న హోళికా దహనం చేయడానికి అనువైన సమయం సాయంత్రం 06:22 నుండి రాత్రి 08:50 వరకు ఉంటుంది.

Also Read: Yashoda Jayanti 2026 -యశోద జయంతి ఎప్పుడు? పిల్లలు కలగాలంటే ఏం చేయాలి?

సూతక కాల నియమాలు
గ్రహణం సమయంలో వాతావరణంలో ప్రతికూల శక్తి పెరుగుతుందని నమ్మకం. గ్రహణానికి 9 గంటల ముందు సూతక కాలం ప్రారంభమైనప్పటి నుండి ఆహారం తీసుకోకూడదు. అయితే వృద్ధులు, రోగులు మరియు పిల్లలకు మినహాయింపు ఉంటుంది. ఇంట్లో ఉన్న పచ్చళ్లు, పాలు, పెరుగు వంటి వాటిలో ‘దర్భలు’ (కుశ గడ్డి) లేదా తులసి దళాలను వేయాలి. ఇది గ్రహణ ప్రభావాన్ని అడ్డుకుంటుందని నమ్మకం. గర్భిణీ స్త్రీలు గ్రహణ సమయంలో బయటకు రాకూడదు మరియు పదునైన వస్తువులను (కత్తెర, సూది వంటివి) వాడకూడదు.