Krishna Janmashtami 2026: జన్మాష్టమి పండుగను భారతదేశం అంతటా అత్యంత వైభవంగా జరుపుకుంటారు. ఈ రోజున భక్తులు ఉపవాసం ఉండి, బాల గోపాలుడిని అందమైన ఆభరణాలతో అలంకరిస్తారు. ఆ తర్వాత, పవిత్ర సమయంలో కృష్ణుడిని వివిధ ఆచారాలతో పూజిస్తారు. శ్రీకృష్ణుడిని పూజించడానికి అర్ధరాత్రి 12 గంటల సమయం అత్యంత పవిత్రమైనదిగా భక్తులు భావిస్తారు.
ఈ సమయంలోనే విష్ణుమూర్తి తన ఎనిమిదవ అవతారమైన శ్రీకృష్ణుడిగా జన్మించారని చెబుతారు. ఈ పవిత్రమైన రోజున ఉపవాసం పాటించే భక్తుల కోరికలన్నీ నెరవేరుతాయని భక్తులు నమ్ముతారు. చాలా మంది జన్మాష్టమి ఉపవాసాన్ని అర్ధరాత్రి వరకు పాటిస్తే, మరికొందరు మరుసటి ఉదయం వరకు కొనసాగిస్తారు. ఈ సంవత్సరం ఈ ఉపవాసాన్ని ఎప్పుడు, ఎలా పాటించాలో ఈ కథనంలో తెలుసుకుందాం.
2026లో జన్మాష్టమి ఉపవాసం ఎప్పుడు?
జన్మాష్టమి వ్రతాన్ని 2026 సెప్టెంబర్ 4వ తేదీ, శుక్రవారం నాడు పాటిస్తారు. జన్మాష్టమి పూజకు శుభ సమయం రాత్రి 11:57 నుండి 12:43 వరకు.
జన్మాష్టమి ఉపవాస తేదీ 2026
మత గ్రంథాల ప్రకారం, జన్మాష్టమి ఉపవాసాన్ని మరుసటి రోజు సూర్యోదయం తర్వాత విరమించాలి. ఒకవేళ మీరు మరుసటి రోజు ఉపవాసం విరమించాలనుకుంటే, సెప్టెంబర్ 5వ తేదీ ఉదయం 6:01 గంటల తర్వాత అలా చేయవచ్చు. జన్మాష్టమి రోజే ఉపవాసం విరమించేవారు మధ్యాహ్నం 12:43 గంటల తర్వాత అలా చేయవచ్చు.
కృష్ణాష్టమి ఉపవాసం నియమాలు ఆచారాలు
జన్మాష్టమి ఉపవాసం సూర్యోదయంతో ప్రారంభమవుతుంది.ఈ ఉపవాస సమయంలో ఆహారం తీసుకోరు, అయితే పండ్ల ఆహారం ,పాలు వంటివి తీసుకొవచ్చు.చాలా మంది నీరు కూడా లేకుండా ఈ ఉపవాసాన్ని పాటిస్తారు. ఉదయం స్నానం చేసిన తర్వాత ఒక సంకల్పం తీసుకోవడంతో ఉపవాసం మొదలవుతుంది.అప్పుడు భక్తులు రాత్రి పూజకు సిద్ధమవడం మొదలుపెడతారు.ఈ రోజున బాల గోపాలుడి విగ్రహాన్ని అలంకరించడం చాలా శుభప్రదంగా భావిస్తారు.భక్తులు బాల గోపాలుని విగ్రహాన్ని లేదా చిత్రాన్ని గుడిలో, ఇంట్లో లేదా మరేదైనా శుభ్రమైన ప్రదేశంలో ప్రతిష్ఠించి, ఉయ్యాల, తొట్టి, వేణువు, నెమలి ఈకలు, పువ్వులతో అలంకరిస్తారు.
Also Read:Crime : హైదర్షాకోట్లో కలకలం.. క్షణాల్లో బుగ్గిపాలైన 5 బైక్లు
ఈ రోజు బాల గోపాలుడికి మఖన్-మిశ్రి, కొత్తిమీర, మఖానా ఖీర్ నైవేద్యంగా పెట్టడం చాలా పవిత్రమైనదిగా భావిస్తారు.రాత్రిపూట, భక్తులు పంచామృతంతో స్వామివారికి అభిషేకం చేస్తారు. స్నానం తర్వాత, చిన్నికృష్ణుడికి కొత్త బట్టలు తొడిగి, ఆయనకు ఇష్టమైన ఆహారాన్ని సమర్పిస్తారు.తరువాత దేవునికి హారతి ఇచ్చి ఉపవాసాన్ని విరమిస్తారు.