Mahalakshmi Rajayogam-Kartika Amavasya: హిందూ సంప్రదాయాల ప్రకారం, ఆశ్వీయుజ బహుళ అమావాస్య నాడు దీపావళి పండుగను ఎంతో ఘనంగా జరుపుకుంటారు. ఈ సంవత్సరం అమావాస్య తిథి అక్టోబర్ 20న మధ్యాహ్నం 3:44 గంటలకు ప్రారంభమై, అక్టోబర్ 21న సాయంత్రం 5:54 గంటలకు ముగుస్తుంది. ఈ సమయంలో చంద్రుడు తులా రాశిలోకి ప్రవేశించగా, అదే రాశిలో ఇప్పటికే కుజుడు ఉన్నాడు. ఈ రెండు గ్రహాల సంయోగం వల్ల మహాలక్ష్మీ రాజయోగం ఏర్పడనుంది.సుమారు 18 ఏళ్ల విరామం తర్వాత ఏర్పడుతున్న ఈ శుభ యోగం పలు రాశుల వారికి ఆర్థికాభివృద్ధి, విజయాలు, సంతోషాలను అందించనుందని జ్యోతిష శాస్త్రవేత్తలు చెబుతున్నారు.
ఈ శుభ యోగం ప్రతి రాశిపైన ఒక విధంగా ప్రభావం చూపనుంది. అయితే కొన్ని రాశుల వారికి ఈ కాలం ప్రత్యేకంగా అదృష్టాన్ని తెచ్చే సమయంగా నిలుస్తుందని భావిస్తున్నారు. ఈ యోగం తులా రాశిలో ఏర్పడటంతో కుజుడు, చంద్రుడు కలిసే సమయం ఆధ్యాత్మికంగా, ఆర్థికంగా శుభ సూచికంగా పండితులు వివరిస్తున్నారు. దీపావళి పండుగ రోజున దీపాలు వెలిగించి శ్రీమహాలక్ష్మీ దేవిని పూజించడం ఈ శుభ యోగ ఫలితాలను మరింతగా పెంచుతుందనే నమ్మకం అయితే ఉంది.
వృషభ రాశి
వృషభ రాశి వారికి మహాలక్ష్మీ రాజయోగం ఆరవ స్థానంలో ఏర్పడనుంది. ఈ సమయంలో మీలో ధైర్యం పెరిగి కొత్త నిర్ణయాలను తీసుకోవడంలో ఆత్మవిశ్వాసం కలుగుతుంది. కుటుంబంలో సౌఖ్యం నెలకొంటుంది. పాత విభేదాలు సర్దుబాటు అవుతాయి. ఈ కాలంలో మీరు చేస్తున్న ప్రయత్నాలు ఫలిస్తాయి. కొత్త ప్రాజెక్టులు మొదలుపెట్టడానికి ఇది మంచి సమయంగా ఉంటుంది. వ్యాపారాల్లో పెట్టుబడులు పెడితే లాభాలు చేకూరతాయి. స్నేహితులు, కుటుంబసభ్యుల సహాయం పొందుతారు. ఆరోగ్యపరంగా కూడా మునుపటి కంటే మెరుగైన స్థితిలో ఉంటారు.
కర్కాటక రాశి
కర్కాటక రాశి వారికి ఈ యోగం నాలుగో స్థానంలో ఏర్పడుతోంది. దీనివల్ల మీకు భౌతిక సౌఖ్యం పెరుగుతుంది. మీరు కొత్త ఆస్తులను కొనుగోలు చేసే అవకాశం ఉంది. ఇల్లు లేదా వాహనం వంటి పెద్ద వస్తువులు కొనుగోలు చేసే పరిస్థితులు కలుగుతాయి. కుటుంబ సభ్యుల మధ్య ఆనందభరిత వాతావరణంలో పాల్గొంటారు.
ఉద్యోగస్తులకు పదోన్నతులు లభించే అవకాశముంది. మీరు ఇంతకాలం నిలిపివేసిన పనులు ఇప్పుడు పూర్తవుతాయి. బంధువులతో ఉన్న బంధాలు మరింత బలపడతాయి. పెట్టుబడులు పెట్టిన వారికి మంచి ఫలితాలు రావచ్చు.
కన్య రాశి
కన్య రాశి వారికి ఈ మహాలక్ష్మీ రాజయోగం విశేష ఫలితాలను ఇవ్వగలదు. ఈ కాలంలో మీరు ఆర్థికపరంగా మంచి స్థాయికి చేరుకుంటారు. పాత బకాయిలు తిరిగి పొందే అవకాశం ఉంటుంది. వ్యాపారవేత్తలకు కొత్త ఒప్పందాలు దక్కుతాయి. మీరు పెట్టుబడులు పెట్టిన ప్రాజెక్టుల నుంచి అనుకోని లాభాలు వస్తాయి.
కొత్త ఆదాయ మార్గాలు తెరుచుకుంటాయి. ఉద్యోగస్తులకు కొత్త అవకాశాలు లభిస్తాయి. మీ పనిపట్ల ఉన్న కృషి, క్రమశిక్షణ ఫలితాలను ఇస్తుంది. కుటుంబ జీవితంలో ప్రశాంతత నెలకొంటుంది.
వృశ్చిక రాశి
వృశ్చిక రాశి వారికి ఈ రాజయోగం లగ్నస్థానంలో ఏర్పడనుంది. దీని ఫలితంగా మీ వ్యక్తిత్వం మరింత బలంగా బయటపడుతుంది. మీరు ధైర్యంగా ముందుకు సాగుతారు. వ్యాపారాలలో కొత్త మార్గాలు తెరుచుకుంటాయి. మీరు తీసుకునే నిర్ణయాలు సానుకూల ఫలితాలను ఇస్తాయి. కుటుంబ జీవితంలో సంతోషం పెరుగుతుంది. ఈ కాలంలో మానసిక ప్రశాంతత దక్కుతుంది. ఆర్థిక పరంగా స్థిరత్వం వస్తుంది. మీకు అనుకూలమైన పరిస్థితులు ఏర్పడతాయి.
మకర రాశి
మకర రాశి వారికి మహాలక్ష్మీ రాజయోగం కెరీర్ పరంగా అద్భుతమైన ఫలితాలను అందిస్తుంది. మీరు కొత్త స్థాయికి ఎదగగల అవకాశముంది. ఉద్యోగస్తులకు పదోన్నతులు, శుభవార్తలు అందుతాయి. వ్యాపారవేత్తలు విస్తరణ ప్రణాళికలు విజయవంతం చేసుకుంటారు. దీపావళి సందర్భంగా కొత్త అవకాశాలు తెరుచుకుంటాయి. ప్రభుత్వ ఉద్యోగాల కోసం ప్రయత్నిస్తున్న వారికి శుభవార్తలు వినిపించవచ్చు. తండ్రితో ఉన్న బంధం బలపడుతుంది. ఈ కాలంలో అనుకోని ఆర్థిక లాభాలు మీ జీవితంలో కొత్త మలుపు తిప్పవచ్చు.
ఈ మహాలక్ష్మీ రాజయోగం సుమారు 18 ఏళ్ల తర్వాత సంభవిస్తుండటం విశేషం. దీని ప్రభావం కేవలం కొన్ని రోజులకే పరిమితం కాకుండా, దీపావళి తర్వాతి వారాలపాటు ఉంటుంది. ఈ కాలంలో ఆర్థిక, వృత్తి, కుటుంబ, వ్యక్తిగత అంశాల్లో పురోగతి సాధించే అవకాశం ఉంది.
