మహానంది ఆలయం ఈనెల 28 వతేదీ ఆశ్వీయుజ శుద్ధ పౌర్ణమి రోజున రాహుగ్రస్త చంద్రగ్రహణం కారణంగా మూసి వేస్తామని మహానంది దేవస్థానం ఈవో చంద్రశేఖర్ రెడ్డి, వేద పండితులు రవిశంకర్ అవధాని, ఆలయ ప్రధాన అర్చకుడు మామిళ్ళపల్లి అర్జునశర్మ తెలిపారు. ఈ సందర్బంగా వారు ఈనెల 28 వతేదీ శనివారం సాయంత్రం 4 గంటలు నుండి 29 వ తారీకు ఉదయం 6 గంటల వరకు ఆలయం మూసి వేస్తున్నామన్నారు. తిరిగి 29 వతేదీ ఉదయం 6 గంటలకు ఆలయ శుద్ధి సంప్రోక్షణ చేసిన అనంతరం స్వామివారి దర్శనం భక్తులకు యథావిధిగా కల్పించనున్నారు. కావున భక్తులు ఈ విషయాన్ని గమనించాలని వారు కోరారు.