శివయ్యని భక్తులు నిత్యం పూజిస్తుంటారు.. ముఖ్యంగా సోమవారాల్లో అయితే ప్రత్యేకంగా ఆరాధిస్తుంటారు. శివుడిని భక్తితో పూజిస్తే జీవితంలో ఉన్న కష్టాలు, ఆర్థిక ఇబ్బందులు తొలగిపోతాయని నమ్మకం. జ్యోతిష్య శాస్త్రం ప్రకారం కూడా శివుడికి కొన్ని రాశులతో ప్రత్యేకమైన అనుబంధం ఉంటుందంట.. ఆ రాశులవారిపై శివుడి అనుగ్రహం ఎప్పుడూ ఉంటుందని.. వారు ఎలాంటి పనులైనా విజయవంతంగా పూర్తిచేసే అవకాశం ఉంటుందని పండితులు చెబుతున్నారు.
కుంభ రాశిలో జన్మించిన వారికి శని అధిపతిగా ఉంటారు. ఈ రాశులవారికి ఎల్లప్పుడు శివుడి అనుగ్రహం ఉంటుందని పండితులు చెబుతున్నారు. వీరు ప్రతి రోజు శివుడిని పూజించడం వల్ల జీవితంలో సమస్యలు పూర్తిగా తొలగిపోతాయని అంటున్నారు. అంతేకాకుండా ఆర్థికంగా వస్తున్న సమస్యలు కూడా పూర్తిగా తొలగిపోతాయని జ్యోతిష్యులు తెలుపుతున్నారు. అలాగే కుంభ రాశివారికి శ్రమకు తగ్గ ప్రతిఫలం కూడా లభిస్తుందంట.
మేష రాశివారికి కూడా శివుడి అనుగ్రహం పుష్కలంగా ఉంటుందని ఉంటుందని పండితులు చెబుతున్నారు. శివుడి ఆశీస్సులతో వీరు జీవితంలో ఎదుగుదల సాధిస్తారని చెబుతున్నారు పండితులు. అనుకున్న పనులు సాఫీగా పూర్తవుతాయి. కష్టాలను అధిగమించి విజయాలను అందుకుంటూ లాభాలు పొందుతారని అంటున్నారు.
ఇక వృశ్చిక రాశివారికి శివుడు సదా కరుణామయుడిగా ఉంటాడు. శివుని కృపతో ఈ రాశివారు భయాలు లేకుండా ధైర్యంగా ముందుకు సాగగలుగుతారు. ఆరోగ్యం మెరుగవుతుంది. చేసే పనిలో విజయం సాధిస్తారు. జీవితంలో ఉన్న ప్రతీ అంశంలో శివుడి ఆశీస్సులు వారికి సహాయపడతారంట. ఈ మూడు రాశులవారికి శివుడి పూజ ద్వారా జీవితంలో సానుకూల మార్పులు వస్తాయని, కష్టాలు తొలగిపోతాయని జ్యోతిష్య నిపుణులు చెబుతున్నారు.
