శ్రీశైలం మహా క్షేత్రంలో శ్రీరామనవమి పర్వదినాన్ని పురస్కరించుకుని శ్రీ సీతారామచంద్ర స్వామి వారి కళ్యాణ మహోత్సవం విశేషంగా నిర్వహించబడింది. శ్రీశైల దేవస్థానానికి అనుబంధ దేవాలయమైన ప్రసన్నాంజనేయ స్వామి వారి గుడిలో ఈ రోజు ఉదయం నుండి శ్రీ సీతారామచంద్ర స్వామి వారికి ప్రసన్నాంజనేయ స్వామి వారికి విశేష పూజలు నిర్వహించి తొమ్మిది గంటలకు కళ్యాణోత్సవం నిర్వహించబడింది. ఈ కళ్యాణోత్సవానికి ముందుగా లోక కళ్యాణాన్ని కాంక్షిస్తూ సంకల్పం పటించబడింది అలాగే కళ్యాణోత్సవ కార్యక్రమం నిర్విఘ్నంగా జరగాలని మహాగణపతి పూజ నిర్వహించబడింది. అనంతరం వృద్ధి అభ్యుదయాలను కాంక్షిస్తూ పుణ్యాహవాచనం, ఆ తర్వాత కంకణ పూజ, యజ్ఞోపవీత పూజ, నూతన వస్త్ర సమర్పణ, వరపూజ, ప్రవర పఠన, మాంగల్య పూజ, శ్రీ సీతా దేవి వారికి మాంగల్య ధారణ , తలంబ్రాలు, మొదలైన కార్యక్రమాలతో శాస్త్రోక్తకంగా సాంప్రదాయబద్ధంగా ఈ కళ్యాణ మహోత్సవం జరిపించబడింది. ఈ కళ్యాణ మహోత్సవాన్ని పలువురు దేవస్థానం సిబ్బంది స్థానికులు భక్తులు తిలకించి సీతారామచంద్ర స్వామివార్లను మనస్ఫూర్తిగా స్మరించుకొని తీర్థ ప్రసాదాలు అందుకున్నారు.
![](https://b4qbdc.p3cdn1.secureserver.net/wp-content/uploads/2023/03/4cfcb9a9-657d-46c5-9944-bb39653d6e9a-1024x473.jpg)
![](https://b4qbdc.p3cdn1.secureserver.net/wp-content/uploads/2023/03/822a7285-70d6-4deb-b326-41543c49df17-1024x473.jpg)
![](https://b4qbdc.p3cdn1.secureserver.net/wp-content/uploads/2023/03/01834d92-c0f2-41f3-b4eb-13bf94ee39ee-1024x473.jpg)
![](https://b4qbdc.p3cdn1.secureserver.net/wp-content/uploads/2023/03/7565e845-5df0-4c8c-97c1-2bb918347bda-1024x473.jpg)
![](https://b4qbdc.p3cdn1.secureserver.net/wp-content/uploads/2023/03/75970748-567b-4d1d-92f5-77892f6a96b1-1-1024x473.jpg)
![](https://b4qbdc.p3cdn1.secureserver.net/wp-content/uploads/2023/03/ae0c2c90-cb69-4039-a304-ec5fe0922601-1024x473.jpg)