తిరుమల శ్రీవారిని దర్శించుకునేందుకు స్థానికులకు కేటాయించు ఉచిత దర్శన టికెట్లను తిరుపతి మహతి ఆడిటోరియంలో , తిరుమలలోని బాలాజీ నగర్ లోని కమ్యూనిటీ హాల్ నందు సోమవారం ఉదయం 5 గంటలకు టోకెన్లు జారీ చేనున్నారు.
టిటిడి ధర్మకర్తల మండలి నవంబర్ 18న జరిగిన తొలి సమావేశంలో ప్రతి నెలా మొదటి మంగళవారం స్థానికులకు శ్రీవారి దర్శనం కల్పించాలని నిర్ణయం తీసుకుంది. ఈ మేరకు డిసెంబర్ 3న (మొదటి మంగళవారం) స్థానికులకు శ్రీవారి దర్శనం కల్పించేందుకు టిటిడి ఏర్పాట్లు చేస్తోంది. అందులో భాగంగా తిరుపతి మహతి ఆడిటోరియంలో, తిరుమల బాలాజీ నగర్ కమ్యూనిటీ హాల్ నందు ఏర్పాటు చేసిన కౌంటర్లలో ఉదయం 5 గంటలకు టోకెన్లును టిటిడి జారీ చేయనుంది. తిరుపతి అర్బన్, తిరుపతి రూరల్, చంద్రగిరి , రేణిగుంట మండలాలతో పాటు తిరుమలకు చెందిన స్థానికులు తమ ఆధార్ ఒరిజినల్ కార్డును చూపించి టోకెన్లు పొందవచ్చని టిటిడి అధికారులు తెలిపారు. ఈ మేరకు సోమవారం ఉదయం టిటిడి చైర్మన్ బి.ఆర్ నాయుడు తిరుపతి మహతి ఆడిటోరియం వద్ద కౌంటర్లను టీటీడీ ఈవో శ్యామలరావు, జేఈవో వెంకయ్య చౌదరిలు హాజరుకానున్నారు.
